2 KHRONIKL 7:3 - Khasi CL Bible (BSI)

³ Haba ki paid Israel ki ïohi ïa ka ding ba ka wan hiar na bneng bad ba ka jingshai ka dap ha ka Templ, ki dem khrup ha lynti ba la siang maw, ki da mane ïa U Blei bad ïaroh ïa U namar ka jingbha bad ka jingieit bymjukut jong u.

KA BAIBL

³ Te baroh ki khun Israel ki la ïakhmih, haba ka ding ka la hiar, bad ba ka burom U Trai ka la long halor ka ïing; bad ki la dem ngon la ki khmat ha ka khyndew halor ka jingsiang, bad ki la mane, bad ki la ainguh ha U Trai, ki ïa-ong, “Namar u long u babha; namar ka jingisynei jong u ka neh ha la ka rta.”

2 KHRONIKL 7:3 ပူးပေါင်းရင်းမြစ်များ

1 SYIEM 18:39

Haba ki paidbah ki ïohi ïa kane, ki ïadem khrup ha khyndew bad ki ïa-pyrta jam, “U Trai u long U Blei; U Trai tang ma u, u long U Blei!”

1 KHRONIKL 16:34

Ai ka jingnguh sha U Trai, namar u long uba bha; ka jingieit jong u ka long bymjukut.

1 KHRONIKL 16:41

Hangta bad ki la don u Heman bad u Jeduthun bad kiwei ïa kiba la jied kyrpang ban rwai ki jingrwai ïaroh ha U Trai na ka bynta ka jingieit bymjukut jong u.

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 20:18

Nangta u syiem Jehoshaphat u dem ngon, ka khmat jong u kaba dei ha ka khyndew, bad baroh u paidbah u dem ryngkat bad u bad mane ïa U Trai.

2 KHRONIKL 20:21

Hadien ba u la ïakren bad u paidbah, u syiem u hukum ïa katto katne ki nongtem nongput ban phong ïa ki jingriam kiba ki ju phong ha ki por bakyntang bad ban ïaid na khmat ka kynhun shipai, da kaba rwai: “Ïaroh ïa U Trai! Ka jingieit jong u ka long bymjukut!”

2 KHRONIKL 29:28

Baroh kiba ïadon hangta ki ïasnohlang ha ka jingmane bad ka jingrwai bad kaba sah jong ka put ka tem ka bteng haduh ban da dep thang ïa ki jingkñia baroh. U paidlang baroh u ïamane dem, ki nongrwai ki rwai, bad ki nongput ki put; bad kane ka neh haduh ba la pyndep ïa ka jingainguh thang.

2 KHRONIKL 29:29

Nangta u syiem Hesekaïah bad ki briew baroh ki dem khohsiew bad mane ïa U Blei.

2 KHRONIKL 29:30

U syiem bad ki nongïalam jong ka jaitbynriew ki bthah ïa ki Lebi ban rwai ha U Trai ïa ki jingrwai ïaroh ba la thoh da u Dabid bad u Asaph, u nongïathuhlypa. Kumta uwei pa uwei u la rwai da ka jingkmen bakhraw katba ki dem khohsiew bad ki mane ïa U Blei.

ESRA 3:11

Ki rwai ki jingïaroh ïa U Trai, da kaba ïai rwai ïa ka banktien: “U Trai u long uba bha, bad ka jingieit jong u ïa ki Israel ka long bymjukut.” Baroh ki pyrta jam katba don ka bor, da kaba ïaroh ïa U Trai, namar ka jingtei ïa ka nongrim jong ka Templ ka la sdang.

SALM 100:5

U Trai u long uba bha; ka jingieit jong u ka neh bymjukut, bad ka jingïaineh jong u ka neh junom.

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 106:1

Ïaroh ïa U Trai! To ai ki jingïaroh ïa U Trai, namar u long uba bha; ka jingieit jong ka long bymjukut.

SALM 107:1

“To ainguh ïa U Trai, namar u long uba bha; ka jingieit jong u ka long bymjukut!”

SALM 118:1

To ainguh ïa U Trai, naba u long uba bha; bad ka jingieit jong u ka neh bymjukut.

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

ISAÏAH 63:7

Ngan ïathuh ïa ka jingieit baïaineh jong U Trai; ngan ïaroh ïa u ïa baroh kaba u la leh na ka bynta jong ngi. U la kyrkhu kyrhai ïa ki paid Israel namar ka jingisynei bad ka jingieit baneh jong u.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

JINGKHEIÑ 14:5

Nangta u Moses bad u Aaron ki la dem ngon ha madan ha khmat uta u paidbah baroh.

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

LOUKAS 1:50

na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.