2 KHRONIKL 7:17 - Khasi CL Bible (BSI)

¹⁷ Lada me shakri hok ïa nga kumba leh u Dabid u kpa jong me, da kaba kohnguh ïa ki aiñ jong nga bad leh kat ïa kaba nga hukum ïa me,

KA BAIBL

¹⁷ Te shaphang jong me, lada men ïaid ha khmat jong nga kumba u Dabid u kpa jong me u la ïaid, bad men leh ïa baroh kat kaba nga la hukum ïa me, bad men sumar ïa ki aiñ jong nga bad ïa ki jingbishar jong nga;

2 KHRONIKL 7:17 ပူးပေါင်းရင်းမြစ်များ

1 SYIEM 11:38

Lada me kohnguh tylli ïa nga, me im hapoh ki hukum jong nga, bad me ïoh ïa ka jingmynjur jong nga da kaba leh ïa kaei kaba nga hukum, kumba u Dabid u shakri jong nga u la leh, ngan ïai don ryngkat bad me. Ngan pynlong ïa me u syiem ki Israel bad ngan pynthikna ba kiba hiarpateng na me kin synshar hadien jong me, kumba nga la leh ïa u Dabid.

1 SYIEM 2:3

Kohnguh ïa ki aiñ bad ki hukum jong u baroh, kumba la thoh ha ka Aiñ u Moses, khnang ba haba me leit shano shano me lah ban manbha ha kaei kaei kaba me leh.

1 SYIEM 3:14

Bad lada me kohnguh ïa nga bad sumar ïa ki aiñ bad ki hukum jong nga, kumba u Dabid u kpa jong me u la leh, ngan ai ha me ka jingim kaba jlan.”

1 SYIEM 8:25

Bad mynta, A Trai U Blei ki Israel, nga kyrpad ba men bat ruh ïa la ka kular kaba me la pynlong bad u kpa jong nga mynba me ïathuh ha u ba yn don borabor uwei na ki khun ki ksiew jong u, u ban synshar kum u syiem ki Israel, tang lada ki kohnguh ïa me kumba me la leh.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 6:16

Mynta, A Trai, U Blei ki Israel, to men bat ruh ïa ka kular kaba me la pynlong ha u kpa jong nga mynba me ong ïa u ba yn don borabor uwei na ki khun ki ksiew jong u, u ban synshar kum u syiem ka Israel, tang lada ki sumar bha ban kohnguh ïa ka Hukum jong me kumba u la leh.

2 KHRONIKL 7:16

namar nga la jied ïa ka bad nga la pynkyntang ïa ka kum ka jaka ha kaba yn mane ïa nga junom. Ngan khmih halor jong ka bad ïada ïa ka ha ki por baroh.

2 KHRONIKL 7:18

ngan bat ïa ka kular kaba nga la pynlong bad u Dabid u kpa jong me mynba nga la ong ha u ba ïa ka Israel yn synshar borabor da ki khun ki ksiew jong u.

SALM 105:45

khnang ba ki briew jong u kin kohnguh ïa ki aiñ jong u bad ban bat ïa ki hukum jong u baroh. Ïaroh ïa U Trai!

SALM 119:5

A katno nga kyrmen ba ngan long uba ïaineh ha kaba sumar ïa ki jingbthah jong me!

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

SEKHARAÏAH 3:7

U Trai Badonbor Baroh u la lah ong: “Lada me kohnguh ïa ki aiñ jong nga bad leh ïa ki kamram kiba nga la shaniah ha me, te men ïailong uba khmih ïa ka Templ jong nga bad ïa ki phyllaw jong ka, bad ngan shahshkor ïa ki jingduwai jong me, kumba nga shahshkor ïa ki jingduwai jong ki angel kiba don ha ka jingdon ryngkat jong nga.

ÏOANNIS 14:21

“Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

DEUTERONOMI 4:40

Kohnguh ïa ki hukum jong u baroh kiba nga la ai ha phi mynta ka sngi, khnang ba ma phi bad ki khun ki ksiew jong phi phin manbha. Phin ïaishong sah ha kata ka ri ïa kaba U Trai U Blei jong phi u la ai ha phi ba kan long ka nongkynti jong phi junom.”