2 KHRONIKL 7:14 - Khasi CL Bible (BSI)

¹⁴ lada ki duwai sha nga bad ki kylla-kaba-mut bad phai noh na ki kam bymman ba ki leh, te ngan shahshkor ïa ki na bneng, ngan map ïa ki pop jong ki, bad ngan pynmanbha biang ïa ka ri jong ki.

KA BAIBL

¹⁴ lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.

2 KHRONIKL 7:14 ပူးပေါင်းရင်းမြစ်များ

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

2 KHRONIKL 20:4

Na kawei pat kawei ka nongbah jong ka Judah ki briew ki leit kloi kloi sha Jerusalem ban pan na U Trai ïa ka jingïalam,

2 KHRONIKL 6:27

A Trai, to shahshkor ïa ki na bneng, bad map ïa ka pop jong ki shakri jong me, ki briew jong ka Israel, bad to hikai ïa ki ban leh ïa kaba dei. Te, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti junom.

2 KHRONIKL 6:30

To shahshkor ïa ki na ka ïing jong me ha bneng bad to map ïa ki. Tang ma Me, me tip ïa ki jingpyrkhat ka dohnud briew. To leh ïa uwei pa uwei u briew kumba ka dei ïa u,

2 KHRONIKL 6:33

Na bneng ha kaba me shong, to sngew ïa u bad leh ïa kaei kaba u kyrpad ïa me ban leh, khnang ba ki jaitbynriew ka pyrthei baroh kin tip bad kohnguh ïa me, kumba ki briew jong me ki Israel ki leh. Te kin tip ba kane ka Templ ïa kaba nga la tei ka dei ka jaka ha kaba yn mane ïa me.

SALM 27:8

Haba me ong, “Wan bad mane ïa nga,” nga jubab, “Ngan sa wan, A Trai; wat buhrieh ïa lade na nga!”

SALM 60:2

Me la pynlong ïa ka ri ban kyiuh, bad me la ot rynghang ïa ka; mynta to pynkhiah ïa ki jingmong jong ka, namar ka la sdang ban twa.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 45:19

Ngam shym la kren ha kaba rieh lane buhrieh ïa ka jingthmu jong nga. Ngam shym la dawa na u paid Israel ban khmih ïa nga ha ka jaka ba la iehnoh suda. Nga long U Trai, bad nga kren ïa ka jingshisha; nga pynlong ban tip ïa kaei kaba dei.”

ISAÏAH 59:20

U Trai un ong ha ki briew jong u, “Ngan wan sha Jerusalem ban ïada ïa phi bad ban pynim ïa phi baroh kiba la phai noh na ki pop jong phi.

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 33:12

“Mynta, ko khun u briew, ïathuh ha ki Israel ba haba u briew babha u leh pop, ka jingleh babha ba u leh kam lah ban pynim ïa u. Lada u briew basniew, u sangeh kaba leh bymman, yn ym pynshitom ïa u, bad lada u briew babha u sdang ban leh pop, ïa ka jingim jong u yn ym pynsah.

JINGKHEIÑ 6:27

Bad U Trai u ong, “Lada ki pynbna ïa ka kyrteng jong nga kum ka jingkyrkhu halor ki Israel, ngan kyrkhu ïa ki.”

KI KAM 9:11

U Trai u la ong ha u, “Khreh bad leit sha ‘Ka Lynti Ba-beit,’ bad ha ka ïing jong u Judas kylli ïa u briew na Tarsos uba kyrteng u Saul.

DEUTERONOMI 28:10

Te ki jaitbynriew ka pyrthei kin ïohi ba U Trai u la jied ïa phi ban long ki briew jong u, bad kin sheptieng ïa phi.