2 KHRONIKL 7:10 - Khasi CL Bible (BSI)

¹⁰ Ha ka sngi kaba bud kaba long ka sngi kaba arphew lai jong u bnai uba hynñiew, u Solomon u phah noh ïa ki briew sha la ïing. Ki la kmen ïa baroh ki jingkyrkhu ba U Trai u la ai ha ki briew jong u ki Israel, ha u Dabid bad ha u Solomon.

KA BAIBL

¹⁰ Te ha ka ba-arphew lai ka sngi jong u bnai u bahynñiew, u la phah noh ïa ki paidbah sha ki ïingjaiñ jong ki, ba la kmen bad ba la sngewbha la ka dohnud namar ka jingbha ïa kaba U Trai u la lah leh ha u Dabid, bad ha u Solomon, bad ha ki Israel ki briew jong U.

2 KHRONIKL 7:10 ပူးပေါင်းရင်းမြစ်များ

1 SYIEM 8:66

Ha ka sngi kaba phra u Solomon u phah noh sha ïing ïa u paidlang. Baroh ki la ïaroh ïa u bad ki leit suk sha ïing namar ki jingkyrkhu baroh ba U Trai u la ai ha u Dabid u shakri jong u bad ha ki briew jong u ki Israel.

2 KHRONIKL 29:36

U syiem Hesekaïah bad ki briew ki la kmen, namar ba U Blei u la ïarap ïa ki ban leh ïa kane baroh ha ka rukom kaba kloi.

2 KHRONIKL 30:26

Ka nongbah Jerusalem ka la dap da ka jingkmen, namar ym pat ju jia kaba kum kane naduh ki sngi jong u syiem Solomon, u khun jong u Dabid.

2 KHRONIKL 6:41

To ïeng mynta, A Trai U Blei, bad ryngkat bad ka Synduk ka Jutang ka dak jong ka bor jong me, to rung sha ka Templ bad to shongduh hangne. To kyrkhu ïa ki lyngdoh jong me ha kaei kaei baroh ba ki leh, bad ai ba ki briew jong me kin kmen namar ka jingbha jong me halor jong ki.

2 KHRONIKL 7:11

Hadien ba u Syiem Solomon u la pyndep ïa ka Templ bad ïa ka ïingsyiem, u da pyndep janai ïa kiei kiei baroh kumba u la buh jingmut ban leh ïa ki,

2 KHRONIKL 7:9

Ki la pynlut hynñiew sngi ha kaba pynkyntang ïa ka duwan, bad nangta sa hynñiew sngi ha kaba rakhe ïa ka Jingkhawai Niam. Ha ka sngi kaba khatduh ki la pynlong ïa ka jingrakhe pynwai.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

SALM 100:2

To mane ïa U Trai da ka jingkmen; wan ha khmat jong u da ki jingrwai bakmen!

SALM 105:3

To kmen ba ngi long ki jong u; ai ba baroh kiba mane ïa u kin shadkmen.

SALM 106:5

Ai ba ngan ïohi ïa ka jingroi jingpar ki briew jong me bad ïadon bynta ha ka jingkmen jong ka jaitbynriew jong me, ha ka jingsarong bakmen jong kito kiba long ki jong me.

SALM 32:11

Phi kiba hok, to lehkmen bad to shadkmen, namar ïa kaei ba U Trai u la leh, phi kiba kohnguh ïa u, to risa jam da ka jingkmen!

SALM 92:4

Ki kam kiba donbor jong me, A Trai, ki pynkmen ïa nga; namar ïa kaei kaba me la leh, nga rwai da kaba kmen.

EKSODOS 18:1

U Jethro, u lyngdoh ka Midian, u kthaw kurim u Moses, u ïohsngew ïa kaei kaei baroh kaba U Blei u la leh na ka bynta u Moses bad ki paid Israel mynba u la ïalam noh ïa ki na ka ri Ijipt.

ESEKIEL 45:25

“Na ka bynta ka Jingkhawai Niam Ki Ïingtrep, kaba sdang ha ka sngi kaba khatsan jong u bnai uba hynñiew, u khun syiem un ainguh man ka sngi ha ki hynñiew sngi kajuh ka jingkñia na ka bynta ka pop, kijuh ki jingainguh ban thang tylli, bad kijuh ki jingainguh da u kew bad ka umphniang Olib.”

KI KAM 16:34

Nangta u la ïalam ïa u Paul bad u Silas sha ka ïing jong u bad u la ai ha ki katto katne ka jingbam ban bam. Ïa u bad ka longïing jong u la pyndap da ka jingkmen, namar mynta ki la ngeit ha U Blei.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

DEUTERONOMI 12:18

Ma phi bad ki khun ki kti jong phi, lem bad ki shakri shakor jong phi, bad ki Lebi ruh kiba shong ha ki shnong jong phi, phi dei ban bam ïa kine ki jingainguh tang ha khmat U Trai U Blei jong phi, ha kawei ka jaka mane Blei kaba u la jied. Bad hangta phi dei ban sngewkmen na ka bynta kaei kaei baroh kaba phi la leh.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 16:14

To ïalehkmen ïa ka lem bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi.

PHILIPPI 4:4

Ai ba phin shadkmen borabor ha U Trai; nga ban biang ïa ka: To ïakmen.