2 KHRONIKL 6:6 - Khasi CL Bible (BSI)

⁶ Hynrei mynta nga la jied ïa ka Jerusalem kum ka jaka ha kaba yn mane ïa nga, bad ïa me, Dabid, ban synshar ïa ki briew jong nga.’”

KA BAIBL

⁶ hynrei, nga la jied ïa ka Jerusalem, ba ka kyrteng jong nga kan ïoh long hangta: bad nga la jied ïa u Dabid ban long halor u paidbah jong nga ki Israel.’ ”

2 KHRONIKL 6:6 ပူးပေါင်းရင်းမြစ်များ

2 SYIEM 21:4

U tei ïa ki duwan ba-thala ha ka Templ, ka jaka kaba U Trai u la ong ba dei ban mane ïa u.

2 SYIEM 21:7

U la buh ïa ka dur jong ka blei Asherah ha ka Templ, ka jaka kaba U Trai u ong ïa u Dabid bad ïa u Solomon u khun jong u: “Hangne ha Jerusalem, ha kane ka Templ, ka dei ka jaka ba nga la jied na ki ri baroh jong ki khat-ar jait ki Israel kum ka jaka ha kaba yn mane ïa nga.

1 KHRONIKL 17:5

Naduh ka por ba nga la pyllait ïa ki paid Israel na Ijipt haduh mynta, ngam shym la shong ha ka templ; nga la shong borabor ha ki ïingjaiñ bad kynriah na kawei ka jaka sha kawei pat.

1 KHRONIKL 17:7

“Kumta ong ha u shakri jong nga u Dabid ba nga, U Trai Badonbor Baroh, nga ong ha u, ‘nga la shim ïa me na kaba sumar ïa ki langbrot ha ki jaka phlang bad pynlong ïa me u nongsynshar jong ki briew jong nga ki Israel.

1 KHRONIKL 28:4

U Trai U Blei ki Israel, u la jied ïa nga bad ïa ki khun ki ksiew jong nga ban synshar junom ïa ki Israel; u la jied ïa ka jait Judah ban pynmih nongïalam, bad na ka jait Judah u la jied ïa ka ïing u kpa jong nga. Na baroh kata ka longïing ka long ka jingsngewbha jong u ban shim ïa nga bad ban pynlong ïa nga u syiem halor ki Israel baroh.

2 KHRONIKL 12:13

U Rehoboam u synshar ha Jerusalem bad u nang khraw ha ka bor kum u syiem. U don sawphew wei snem mynba u long syiem, bad u synshar khathynñiew snem ha Jerusalem, ka nongbah kaba U Trai u la jied na ki jaka baroh jong ka Israel kum ka jaka hangno ba yn mane ïa u. Ka kmie jong u Rehoboam ka dei ka Naamah, na ka ri ki Ammon.

2 KHRONIKL 20:8

Ki la shong la sah hangne bad tei ïa ka templ ban burom ïa me, da kaba tip

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

2 KHRONIKL 33:4

U tei ki duwan ki blei thala ha ka Templ, ka jaka ha kaba U Trai u la ong ba yn mane ïa u junom.

2 KHRONIKL 6:20

To khmih halor kane ka Templ mynsngi bad mynmiet. Me la kular ba kane kan long ka jaka ha kaba yn mane ïa me, kumta to sngew ïa nga haba nga phai khmat sha kane ka Templ bad duwai.

2 KHRONIKL 6:5

‘Naduh ka por ba nga la wan ïalam ïa ki briew jong nga na Ijipt haduh mynta, ngam shym la jied ïa kano kano ka nongbah ha ri Israel kum ka jaka ban tei ïa ka Templ ha kaba yn mane ïa nga, bad ngam shym la jied ruh ïano ïano ban ïalam ïa ki briew jong nga ki Israel.

2 KHRONIKL 7:16

namar nga la jied ïa ka bad nga la pynkyntang ïa ka kum ka jaka ha kaba yn mane ïa nga junom. Ngan khmih halor jong ka bad ïada ïa ka ha ki por baroh.

ESRA 7:16

Men rah ruh baroh ka rupa bad ka ksiar kaba me la lum na baroh kawei ka probins Babilon bad ki jingainguh kiba ki Israel bad ki lyngdoh jong ki, ki ai na ka bynta ka Templ jong U Blei jong ki ha Jerusalem.

SALM 122:2

Bad mynta ngi don hangne, ngi ïeng hapoh ki khyrdop jong ka Jerusalem!

SALM 132:13

U Trai u la jied ïa ka Seïon; u kwah ba kan long ka jaka shong jong u:

SALM 48:1

U Trai u long uba khraw ïa uba dei ban ïaroh eh ha ka nongbah jong U Blei jong ngi, halor u lum bakyntang jong u.

EKSODOS 20:24

Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

SEKHARAÏAH 3:2

U angel jong U Trai u la ong ha u Soitan, “To U Trai un pynrem ïa me, ko Soitan! To U Trai, uba ieit ïa ka Jerusalem, un pynrem ïa me. Une u briew u long kum u dieng ïa uba la sei noh na ka ding.”

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”