2 KHRONIKL 5:7 - Khasi CL Bible (BSI)

⁷ Nangta ki lyngdoh ki bah ïa ka Synduk ka Jutang jong U Trai sha ka Templ bad ki buh ïa ka ha ka Jaka Kaba Kyntang Tam, ha trai jong ki kherub.

KA BAIBL

⁷ Bad ki lyngdoh ki la wallam ïa ka synduk ka jutang U Trai sha la ka jaka, hapoh ka orakl jong ka ïing, ha ka jaka kyntang tam, hapoh ki thapniang ki Kherub keiñ.

2 KHRONIKL 5:7 ပူးပေါင်းရင်းမြစ်များ

1 KHRONIKL 22:19

Mynta, shakri ïa U Trai U Blei jong phi ïa ka dohnud bad ka mynsiem jong phi baroh. Sdang noh ban tei ïa ka Templ, khnang ba phi lah ban buh ha ka ïa ka Synduk ka Jutang U Trai bad ïa baroh kiwei pat ki tiar bakyntang ba ju pyndonkam ha kaba mane ïa u.”

2 KHRONIKL 35:3

U ai ruh ïa kine ki jingbthah sha ki Lebi, ki nonghikai jong ki Israel, ïa kiba la pynkyntang sha U Trai: “Buh ïa ka Synduk ka Jutang bakyntang ha ka Templ kaba u syiem Solomon, u khun jong u Dabid, u la tei. Phim dei ban rah shuh ïa ka na kawei ka jaka sha kawei pat, hynrei phi dei ban shakri ïa U Trai U Blei jong phi bad ki briew jong u ki Israel.

2 KHRONIKL 4:20

ki diengpynïeng sharak bad ki sharak da ka ksiar nylla, kiba dei ban pynmeh ha khmat jong ka Jaka Kaba Kyntang Tam, kat kum ba la thmu lypa;

2 KHRONIKL 5:4

Haba ki nongïalam baroh ki la ïalumlang, kumta ki Lebi ki rah ïa ka Synduk ka Jutang bad ki bah ïa ka sha ka Templ.

2 KHRONIKL 5:6

U Syiem Solomon bad baroh ki paid Israel ki la ïalumlang ha khmat Ka Synduk ka Jutang bad ki kñia bun bah ki langbrot bad ki masi — ki la bun palat bym lah ñiew shuh.

2 KHRONIKL 5:8

Ki thapniang jong ki, kiba pyiar shabar ki tap ïa ka Synduk bad ïa ki dieng jingbah jong ka.

2 KHRONIKL 6:11

Nga la buh ha ka Templ ïa ka Synduk ka Jutang ha kiba la don ki mawlyngkniap jong ka jutang kaba U Trai u la pynlong bad ki paid Israel.”

SALM 132:8

To wan sha ka Templ, A Trai, lem bad ka Synduk ka Jutang, ka dak jong ka bor jong me, bad sah hangne junom.

ESEKIEL 41:4

U la thew ïa ka kamra hi, bad ka long shiphew mitar sawdong. Kane ka kamra ka la long sha lyndet ka kamra pdeng. Nangta u la ong ïa nga, “Kane ka long ka Jaka Bakyntang Tam.”