2 KHRONIKL 5:2 - Khasi CL Bible (BSI)

² Nangta u syiem Solomon u la phah khot ïa baroh ki nongïalam jong ki jait bad ki kur jong ki Israel ban ïalumlang ha Jerusalem, khnang ban wallam ïa ka Synduk ka Jutang jong U Trai na Seïon, ka nongbah jong u Dabid, sha ka Templ.

KA BAIBL

² Ynda kumta, u Solomon u la ïalum lang ïa ki tymmen basan ki Israel bad ïa ki nongïalam jong ki jaid, ïa ki rangbah ki ïing ki kpa ki khun Israel, ha Jerusalem, ban wallam artet ïa ka synduk ka jutang U Trai na ka shnong u Dabid, kaba long ka Seïon.

2 KHRONIKL 5:2 ပူးပေါင်းရင်းမြစ်များ

2 SAMUEL 5:7

(Hynrei u Dabid u la ïohknieh ïa ka kut Seïon jong ki, bad la tip kyrteng ïa ka kum ka “Nongbah u Dabid.”)

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

1 KHRONIKL 15:1

Na ka bynta ban pyndonkam ïa lade, u Dabid u tei ïa ki ïing ha ka nongbah u Dabid. U la pynkhreh ruh ïa ka jaka na ka bynta ka Synduk ka Jutang jong U Blei bad u pynïeng ka ïingjaiñ ïa ka.

1 KHRONIKL 15:12

U ong ha ki Lebi, “Phi long ki nongïalam ïa ki kur Lebi. Pynkhuid ïa lade bad ïa ki para Lebi jong phi, ba phin lah ban wanrah ïa ka Synduk ka Jutang jong U Trai U Blei ki Israel sha ka jaka kaba nga la pynkhreh na ka bynta jong ka.

1 KHRONIKL 15:25

Kumta u Syiem Dabid, ki nongïalam ki Israel, bad ki rangbah shipai ki leit sha ka ïing u Obed Edom ban shim ïa ka Synduk ka Jutang, bad da ka jinglehkmen kaba khraw.

1 KHRONIKL 15:3

Kumta u Dabid u phah khot ïa baroh ki paid Israel sha Jerusalem khnang ban wanrah ïa ka Synduk ka Jutang sha ka jaka kaba u la pynkhreh ïa ka.

1 KHRONIKL 16:1

Ki la rah ïa ka Synduk ka Jutang sha ka ïingjaiñ kaba u Dabid u la lah pynkhreh bad buh ïa ka hapoh. Nangta ki ai ïa ki jingkñia bad ki jingainguh ïasyllok sha U Blei.

1 KHRONIKL 24:31

U khlieh jong kawei pa kawei ka longïing bad uwei na ki para jong u, ki kynting sbai na ka bynta ki kam jong ki, kumba ki ba-ha-ïing jong ki, ki lyngdoh kiba hiarpateng na u Aaron, ki la leh. U syiem Dabid, u Sadok, u Ahimelekh, bad ki khlieh jong ki longïing jong ki lyngdoh bad jong ki Lebi ki long ki sakhi.

1 KHRONIKL 24:6

Ki khun ki ksiew jong u Eleasar bad u Ithamar ki shim pali ha kaba kynting sbai. Nangta la buh jingthoh ïa ki da u Shemaïah u khun jong u Nethanel, u sekretari na ki Lebi. U syiem, ki rangbah synshar jong u, u Sadok u lyngdoh, u Ahimelekh u khun jong u Abiathar, bad ki khlieh jong ki longïing Lyngdoh bad jong ki longïing Lebi, baroh ki long ki sakhi.

1 KHRONIKL 26:26

U Shelomith bad ki dkhot ka longïing jong u ki dei peit ïa ki jingai sngewbha baroh ba la pynkyntang sha U Blei da u syiem Dabid, ki khlieh jong ki longïing, ki nongïalam jong ki kur, bad ki rangbah ai hukum ïa ka kynhun shipai.

1 KHRONIKL 28:1

U Syiem Dabid u hukum ïa baroh ki rangbah synshar jong ki Israel ban ïalumlang ha Jerusalem. Kumta baroh ki rangbah synshar jong ki jait, ki rangbah synshar kiba pynïaid ïa ka kam jong ka Hima, ki nongïalam jong ki kur, ki nongpeit ïa ki jingdon jingem bad ki jingri kiba dei jong u syiem bad ki khun shynrang jong u — Shisha ki rangbah synshar ka ïingsyiem, ki shipai kiba lamkhmat, bad ki rangbah badonkam — ki la ïalumlang ha Jerusalem.

2 KHRONIKL 1:4

(Pynban, Ka Synduk ka Jutang ka don ha Jerusalem, la buh ïa ka ha ka ïingjaiñ kaba u Syiem Dabid u la pynïeng mynba u wanrah ïa Ka Synduk na Kiriath Jearim.)

2 KHRONIKL 5:1

Haba u syiem Solomon u la pyndep ïa ka jingtrei baroh ha ka Templ, u la buh ha ki kamra buh tiar ha ka Templ ïa kiei kiei baroh kiba u Dabid u kpa jong u, u la pynkyntang sha U Trai — ka rupa, ka ksiar, bad kiwei ki tiar ki tar.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 87:2

u kham ieit ïa ka nongbah Jerusalem ban ïa kiwei pat ki jaka ha Israel.

LEBITIKOS 9:5

Ki wanlam sha khmat ka Ïingjaiñ ïa kaei kaei baroh kaba u Moses u la hukum, bad ki paidbah baroh ki ïalumlang ban mane ïa U Trai.

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

JINGKHEIÑ 10:36

Bad ha man ka por ba ka sangeh, un ong, “Wan phai, Trai, sha ki hajar ki longïing Israel.”