2 KHRONIKL 5:10 - Khasi CL Bible (BSI)

¹⁰ Ym don ei ei ruh hapoh ka Synduk ka Jutang lait tang ki ar tylli ki mawlyngkniap kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na Ijipt.

KA BAIBL

¹⁰ Ym don ei ei hapoh ka synduk nalor ki ar tylli ki maw lyngkniap kiba u Moses u la buh hangta ha Horeb, mynba U Trai u la pynlong ka jutang bad ki khun Israel, haba ki la mih noh na Ijipt.

2 KHRONIKL 5:10 ပူးပေါင်းရင်းမြစ်များ

2 KHRONIKL 6:11

Nga la buh ha ka Templ ïa ka Synduk ka Jutang ha kiba la don ki mawlyngkniap jong ka jutang kaba U Trai u la pynlong bad ki paid Israel.”

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:19

Haba u Moses u la poi hajan kata ka jaka sher dara na kaba u ïohi ïa uta u khun masi bad ïa ka jingïashad jong kita ki paidbah, u Moses u bitar lep. Hangta ha trai u lum, u lynthaw ïa kita ki mawlyngkniap kiba u rah haduh ba ki da pait.

EKSODOS 34:1

U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

EKSODOS 40:20

Nangta u shim ïa kita ki mawlyngkniap ar tylli bad u buh ïa ki hapoh ka Synduk ka Jutang. U bsuh ïa ki dieng jingbah ha ki kyrwoh jong kata ka synduk bad u buh ïa ka jingtap halor jong ka.

DEUTERONOMI 29:1

Kine ki long ki ktien jong kata ka jutang ba U Trai u la hukum ïa u Moses ban pynlong bad ki Israel ha ka ri ki Moab; kane baroh ka la long ka jingbynrap shuh shuh halor kata ka jutang kaba U Trai u la pynlong bad ki ha u Lum Sinai.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.