2 KHRONIKL 4:1 - Khasi CL Bible (BSI)

¹ U syiem Solomon u la phah shna ïa ka duwan rnong, kaba khyndai mitar sawdong, bad 4.5 mitar ka kynjang.

KA BAIBL

¹ U la thaw ruh ka duwan rnong, arphew pruh ka lynter jong ka, bad arphew pruh ka pyngkiang jong ka, bad shiphew pruh ka jingjrong jong ka.

2 KHRONIKL 4:1 ပူးပေါင်းရင်းမြစ်များ

1 SYIEM 8:22

Nangta ha ka jingdon ryngkat u paidbah, u Solomon u leit bad u ïeng ha khmat ka duwan, u rah ïa la ki kti,

1 SYIEM 8:64

Ha kata kajuh ka sngi u pynkyntang ruh ïa ka bynta kaba hapdeng ka phyllaw, kata ka jaka kaba ha khmat ka Templ, bad u kñia hangta ïa ki jingainguh thang, ïa ki jingainguh bam, bad ïa ka khleiñ jong ki mrad na ka bynta ka jingainguh jingïasyllok. U leh ïa kane namar ba kata ka duwan rnong ka rit than eh na ka bynta baroh kine ki jingainguh.

1 SYIEM 9:25

Lai sien shisnem, u Solomon u kñia ïa ki jingainguh thang bad ki jingainguh pynïasuk ha kata ka duwan ba u la tei ha U Trai. U thang ruh ïa ka jingiwbih ha khmat U Trai. Bad kumta u pyndep kaba tei ïa ka Templ.

2 KHRONIKL 1:5

Ka duwan rnong kaba la thaw da u Besalel, u khun jong u Uri bad u ksiew jong u Hur, ka don ruh ha Gibeon ha khmat jong ka Ïingjaiñ Ka Jingdon Ryngkat U Trai. U syiem Solomon bad ki briew baroh ki la mane ïa U Trai hangta.

2 KHRONIKL 15:8

Haba u Asa u la ïohsngew ïa ka jingïathuhlypa ba u Asaraïah u khun jong u Oded u la kren, u la ïoh mynsiem. U la pynkynriah noh ïa ki bleithaw baroh ha ka ri Judah bad Benjamin bad baroh ki bleithaw ha ki nongbah kiba u la kurup ha ka ri lum Ephraim. U tei pynbha ruh ïa ka duwan U Trai kaba ïeng ha phyllaw jong ka templ.

2 KHRONIKL 29:18

Ki Lebi ki wanrah ïa kane ka jingïathuh harum sha u syiem Hesekaïah: “Ngi la dep pynkhuid ïa ka Templ baroh kawei kat kum ka jinglehniam, kynthup ïa ka duwan na ka bynta ka jingainguh thang, ïa ka miej na ka bynta u kpu bakyntang, bad ïa ki tiar ki tar jong ki baroh.

2 KHRONIKL 7:7

U Solomon u pynkyntang ïa ka jaka pdeng jong ka phyllaw, ka jaka kaba ha khmat ka Templ, bad u ai ki jingkñia hangta ba la thang tylli, ki jingainguh bam, bad ïa ka khleiñ na ki jingainguh ïasyllok. U leh ïa kane namar ba ka duwan rnong ba u la thaw ka rit than ïa kine ki jingainguh baroh.

2 KHRONIKL 8:12

U Solomon u kñia ïa ki jingainguh ha U Trai ha ka duwan ba u la tei ha khmat ka Templ,