2 KHRONIKL 32:8 - Khasi CL Bible (BSI)

⁸ U don ka bor briew, hynrei ngi don U Trai U Blei jong ngi u ban ïarap ïa ngi ban ïaleh ïa ki thma jong ngi.” Ki briew ki ïoh ïa ka jingpynshlur da kine ki ktien jong u syiem jong ki.

KA BAIBL

⁸ bad u ka don ka ksang'ti doh; hynrei, bad ngi u don U Trai U Blei jong ngi ban ïarap ïa ngi, bad ban ïaleh ïa ki jingïaleh thma jong ngi.” Te ki paidbah ki la shaniah ha ki ktien u Hesekaïah u syiem ka Judah.

2 KHRONIKL 32:8 ပူးပေါင်းရင်းမြစ်များ

2 SYIEM 18:5

U Hesekaïah u shaniah ha U Trai, U Blei ki Israel; ki Judah kim shym ïoh da uwei pat u syiem kum ma u, ha shuwa ne hadien ka por jong u.

2 SYIEM 6:16

“Wat sheptieng,” u Elisha u jubab. “Ngi don kham bun ha ka liang jong ngi ban ïa kaba ki don ma ki.”

1 KHRONIKL 5:22

Ki la pynïap bun bah ki nongshun, namar ba ka thma ka la long ka mon U Blei. Bad ki la ïaishong ïaisah ha kata ka thain haduh ka jingshah ringmraw.

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 14:10

U Asa u leit ban ïaleh ïa u, bad baroh arliang ki ïeng ha la ki jaka ha ka Them Sephathah hajan Mareshah.

2 KHRONIKL 14:11

U Asa u duwai ha U Trai U Blei jong u, “A Trai, me lah ban ïarap ïa ka kynhun shipai kaba tlot da kaba suk kum kaba khlaiñ. Ïarap ïa ngi mynta, Ko Trai U Blei jong ngi, namar ba ngi shaniah ha me, bad ha ka kyrteng jong me ngi la mih ban ïaleh pyrshah ïa kane ka kynhun shipai kaba bun. A Trai, me long U Blei jong ngi; ym don u ban kyrmen ban jop ïa me.”

2 KHRONIKL 16:7

Ha kata ka por u Hanani lyngdoh u leit sha u syiem Asa bad ong, “Namar ba me la shaniah ha u syiem Syria ban ïa kaba shaniah ha U Trai U Blei jong me, ka kynhun shipai u syiem Israel ka la lait phet na me.

2 KHRONIKL 20:15

U Jahasiel u ong, “Ko syiem bad baroh ma phi u paid Judah bad Jerusalem, U Trai u ong ba phim dei ban rit mynsiem ne sheptieng ban ïeng pyrshah ïa kane ka kynhun shipai ba bun paid. Ka thma ka shong ha U Blei, ym ha phi.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

2 KHRONIKL 32:15

Mynta wat ai ba u Hesekaïah un shukor ïa phi lane ïalam bakla ïa phi kumta. Wat ngeit ïa u! Ym don blei jong kano kano ka hima uba la lah ban pyllait ïa la ki briew na uno uno u patsha ka Assyria. Kumta da kaba thikna une U Blei jong phi un ym lah ban pyllait im ïa phi!”

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

SALM 118:8

Ka kham bha ban shaniah ha U Trai ban ïa kaba shaniah ha u briew.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

PROBERB 12:25

Ka jingkhuslai kan lute ïa ka jingkmen na phi, hynrei ki ktien sbun kin pynkmen ïa phi.

ISAÏAH 30:32

Kumba U Trai u shoh bad u ïai shoh ïa ki, ki briew jong u pat kin ïa-ïaid ryngkat bad ki sur jong ki ksing bad ki duitara. U Blei hi da lade un ïaleh pyrshah ïa ki Assyria.

ISAÏAH 31:3

Ki nong Ijipt kim dei ki blei — ki long tang ki briew. Ki kulai jong ki kim dei kita kiba don ka bor bapalat liam. Haba U Trai u trei, ka hima bakhlaiñbor kan khyllem, bad ka hima batlot bor kaba ka ïarap kan kyllon. Baroh ar na ki kin shah pynjot.

ISAÏAH 36:18

Wat ai ba u Hesekaïah un pynbieit ïa phi ban pyrkhat ba U Trai un pyllait im ïa phi. Hato ki blei jong kiwei pat ki jaitbynriew ki pyllait ïa ki ri jong ki na u patsha ka Assyria?

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

JEREMAÏAH 42:11

Keiñ noh na kaba sheptieng ïa u syiem jong ka Babilonia. Nga long ryngkat bad phi, bad ngan pyllait ïa phi na ka bor jong u.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 20:3

‘To sngap, ko Israel! Mynta ka sngi phin leit ban ïaleh thma. Wat sheptieng ïa ki nongshun jong phi, wat noh mynsiem, lane wat sngew syier.

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 SAMUEL 17:45

U Dabid u jubab, “Me wan ïaleh ïa nga da ka waitlam, da u lyngka, bad da u sum, hynrei nga wan pyrshah ïa me ha ka kyrteng U Trai Badonbor, U Blei jong ki kynhun ïapom ki Israel, ïa uba me la ñiewbeiñ.