2 KHRONIKL 32:7 - Khasi CL Bible (BSI)

⁷ U ong ha ki, “To long kiba kut jingmut bad kiba sngewskhem, bad wat sheptieng ïa u patsha ki nong Assyria lane ïa ka kynhun shipai kaba u ïalam. Ngi don kham bun ka bor ha ka liang jong ngi ban ïa kaba u don ha ka liang jong u.

KA BAIBL

⁷ “To long kiba shynrang bad kiba shlur, wat sheptieng lymne wat khaw-eit namar u syiem ka Assyria, lymne namar u paidbah baroh uba don bad u: namar don uba kham khraw bad ngi ban ïa kaba bad u:

2 KHRONIKL 32:7 ပူးပေါင်းရင်းမြစ်များ

2 SYIEM 18:30

Bad wat shah ba un pynkohnguh ïa phi ban shaniah ha U Trai. Wat pyrkhat ba U Trai un pyllait im ïa phi, bad ba un pynsangeh ïa ka kynhun shipai ki Assyria na kaba kurup ïa ka nongbah jong phi.

2 SYIEM 18:5

U Hesekaïah u shaniah ha U Trai, U Blei ki Israel; ki Judah kim shym ïoh da uwei pat u syiem kum ma u, ha shuwa ne hadien ka por jong u.

2 SYIEM 6:16

“Wat sheptieng,” u Elisha u jubab. “Ngi don kham bun ha ka liang jong ngi ban ïa kaba ki don ma ki.”

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

1 KHRONIKL 28:10

Me dei ban sngewthuh ba U Trai u la jied ïa me ban tei ïa ka Templ bakhuid jong u. Mynta leh ïa kata — bad leh ïa kata da ka jingkut jingmut baskhem.”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

2 KHRONIKL 15:7

Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

2 KHRONIKL 16:7

Ha kata ka por u Hanani lyngdoh u leit sha u syiem Asa bad ong, “Namar ba me la shaniah ha u syiem Syria ban ïa kaba shaniah ha U Trai U Blei jong me, ka kynhun shipai u syiem Israel ka la lait phet na me.

2 KHRONIKL 20:15

U Jahasiel u ong, “Ko syiem bad baroh ma phi u paid Judah bad Jerusalem, U Trai u ong ba phim dei ban rit mynsiem ne sheptieng ban ïeng pyrshah ïa kane ka kynhun shipai ba bun paid. Ka thma ka shong ha U Blei, ym ha phi.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

NEHEMAÏAH 4:8

Kumta ki ïasylla lang ban wan bad tur ïaleh ïa ka Jerusalem bad thaw jingkulmar,

SALM 118:8

Ka kham bha ban shaniah ha U Trai ban ïa kaba shaniah ha u briew.

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

JEREMAÏAH 42:11

Keiñ noh na kaba sheptieng ïa u syiem jong ka Babilonia. Nga long ryngkat bad phi, bad ngan pyllait ïa phi na ka bor jong u.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.