2 KHRONIKL 32:5 - Khasi CL Bible (BSI)

⁵ U syiem u pynkhlaiñ ïa ki jingïada ïa ka nongbah da kaba tei bha ïa ka kynroh, kaba tei ïa ki kut halor jong ka, bad ban shna ïa ka kynroh na shabar. Nalor kata, u tei pat ïa ki jingïada ba la tei ha ka jaka kaba la pyndap khyndew ha ka phang mihngi jong ka Jerusalem ha ka bynta kaba rim. U phah shna ruh bun bah ki sum bad ki stieh.

KA BAIBL

⁵ Te u la sngewshlur, bad u la tei baroh ka kynroh kaba la twa, bad u la pynjrong ïa ka haduh ki ïing phira, bad ïa kata kawei pat ka kynroh shabar, bad u la pynskhem ïa ka Millo ha ka nongbah u Dabid, bad u la thaw ki tiar ïapom bad ki stieh shibun eh.

2 KHRONIKL 32:5 ပူးပေါင်းရင်းမြစ်များ

2 SAMUEL 5:9

Hadien ka jingïohknieh ïa ka kut, u Dabid u la shong hapoh jong ka bad u la khot kyrteng ïa ka “Ka Nongbah u Dabid.” U la tei ïa ka nongbah sawdong jong ka, da kaba sdang na ka jaka ha kaba la pyndap khyndew ha ka phang mihngi jong u lum.

1 SYIEM 11:27

Kane ka dei ka jingïathuhkhana shaphang kata ka jingïaleh pyrshah. U Solomon u la nang pyndap khyndew ha ki jaka kiba ha mihngi jong ka Jerusalem bad u moramot ïa ka kynroh jong ka nongbah.

1 SYIEM 9:24

U Solomon u la pyndap khyndew ïa ka jaka ha ka phang mihngi jong ka nongbah, hadien ba ka tnga jong u, ka khun jong u syiem ka ri Ijipt, ka la wan kynriah na ka Nongbah u Dabid sha ka ïingsyiem kaba u Solomon u la tei na ka bynta jong ka.

2 SYIEM 12:20

Ki rangbah synshar jong u syiem Joash ki ïasylla pyrshah ïa u, bad ar ngut na kine, u Josakar u khun jong u Shimeath bad u Jehosabad u khun jong u Shomer, ki pynïap ïa u ha ka ïing kaba u la tei halor ka jaka ba la pyndap khyndew kaba shaphang mihngi jong ka Jerusalem, ha ka lynti kaba hiar sha Silla. Ïa u Joash la tep ha ka jingtep ki syiem ha ka Nongbah u Dabid, bad u khun jong u, u Amasaïah u long syiem ha ka jaka jong u.

2 SYIEM 25:4

Wat la ki nong Babilonia ki la kerkut ïa ka nongbah, baroh ki shipai ki la lait phet ha ka por mynmiet. Ki la mih na ka lynti ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad ki la phet ha ka phang jong ka Them Jordan.

2 KHRONIKL 12:1

Mar ïadep pynskhem ïa la ka bor kum u syiem, u Rehoboam bad ki briew jong u baroh ki iehnoh ïa ka Hukum jong U Trai.

2 KHRONIKL 23:1

Hadien ka jingap kaba hynriew snem, u Jehoïada u lyngdoh u la rai ba ka la dei ka por ban leh ei ei. U ïateh kular bad san ngut ki rangbah shipai: u Asaraïah u khun jong u Jeroham, u Ishmael u khun jong u Jehohanan, u Asaraïah u khun jong u Obed, u Maaseïah u khun jong u Adaïah, bad u Elishaphat u khun jong u Sikhri.

2 KHRONIKL 25:23

U Jehoash u la ïohkem ïa u Amasaïah bad u ïalam ïa u sha Jerusalem. Hangta u la pynkhyllem ïa ka kynroh nongbah naduh ka Khyrdop Ephraim haduh ka Khyrdop Dong, ka jingjngai kumba arspah mitar.

2 KHRONIKL 26:8

Ki Ammon ki siew khajna ha u Ussaïah, bad u kylla long uba khlaiñbor haduh katta kata ba ka nam jong u ka phriang wat shaduh sha Ijipt.

2 KHRONIKL 33:14

Hadien kane, u Manasseh u tei pynjrong ïa ka kynroh bashabar ha ka phang mihngi jong ka Nongbah u Dabid, na ka tduh jong ka them hajan ka umpohliew Gihon shaphang shatei sha ka Khyrdop Dohkha bad ka jaka jong ka nongbah ba khot ka Ophel. U buh ruh ïa u shipai pynïaidkam ban ai hukum ïa ka kynhun ki shipai ha man ki nongbah ba la ker kynroh jong ka Judah.

PROBERB 25:28

Lada phim lah ban synshar ïa ka jingbitar jong phi, phin long khlem ka jingïarap kum ka nongbah bym don kynroh, kaba lait rynghang ban shah tur ïaleh.

JEREMAÏAH 39:4

Mynba u syiem Sedekaïah bad baroh ki shipai jong u ki la ïohi ïa kaei kaba la jia, ki la pyrshang ban phet na ka nongbah ha ka por mynmiet. Ki la phet na ka lynti jong ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad phet na ka liang jong ka Them Jordan.

JOEL 2:8

lane ïatyngkhuh para ma ki. Ki ïa-ïaid kynhun lyngba ïa ki jingker-ïada, bad ym don kano kano kaba lah ban pynsangeh ïa ki.

NONGBISHAR 9:6

Nangta baroh ki rangbah ka Shekhem bad ka Bethmillo ki ïalumlang bad leit sha u dieng Sning bakyntang ha Shekhem, ha kaba ki la thung syiem ïa u Abimelekh.