2 KHRONIKL 30:9 - Khasi CL Bible (BSI)

⁹ Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

KA BAIBL

⁹ Namar lada phin phai pat sha U Trai, ki para jong phi bad ki khun jong phi kin shem ka jingsngewsynei na kita kiba la ring mraw ïa ki, bad kin ïoh wan pat sha kane ka ri: naba U Trai U Blei jong phi u long uba aiei bad uba isynei, bad un ym phai noh la ka khmat na phi, lada phi phai sha u.”

2 KHRONIKL 30:9 ပူးပေါင်းရင်းမြစ်များ

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SALM 106:46

U la pynlong ïa baroh ki nongbanbeiñ jong ki ban sngewsynei ïa ki.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

1 SYIEM 8:50

Map ïa ki pop jong ki baroh bad ïa ki jingleh pyrshah jong ki ïa me, bad pynlong ïa ki nongshun jong ki ban iehnoh ïa ki ha ka jingsbun.

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

JEREMAÏAH 18:17

Ngan pynsakma ïa ki briew jong nga ha khmat ki nongshun jong ki, kum ïa u pui pui ba la beh da ka lyer mihngi. Ngan pynphai ïa la ka ingdong halor jong ki; ngan ym ïarap ïa ki haba ka jingpynjot ka wan.”

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

SALM 111:4

U Trai um shah ïa ngi ban klet noh ïa ki jingleh baphylla jong u; u long uba bha sbun bad uba isynei.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 7:14

lada ki duwai sha nga bad ki kylla-kaba-mut bad phai noh na ki kam bymman ba ki leh, te ngan shahshkor ïa ki na bneng, ngan map ïa ki pop jong ki, bad ngan pynmanbha biang ïa ka ri jong ki.

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

DEUTERONOMI 30:1

“Mynta nga la ai ba phin jied napdeng ka jingkyrkhu bad ka jingtim. Ynda kine kiei kiei baroh ki la wan jia ha phi, bad phi shong hapdeng ki jaitbynriew sha kiba U Trai U Blei jong phi u la pynsakma ïa phi, phin sa kynmaw ïa ka jingjied ba nga la ai ha phi.