2 KHRONIKL 28:3 - Khasi CL Bible (BSI)

³ u thang jingiwbih ha ka Them Hinnom, bad u kñia wat ïa la ki jong ki khun shynrang kum ki jingainguh thang ïa ki bleithaw, da kaba bud ïa ka jingleh ba-ijli jong ki jaitbynriew ïa kiba U Trai u la beh noh na ka ri katba ki Israel ki nang tur shaphrang.

KA BAIBL

³ Bad u la thang ïa ka jingiwbih ha ka them u khun u Hinnom, bad u la thang ïa la ki khun ha ka ding, katba kum ki jingijli jong ki nongmane bleithaw, ïa kiba U Trai u la beh noh na khmat ki khun Israel.

2 KHRONIKL 28:3 ပူးပေါင်းရင်းမြစ်များ

2 SYIEM 16:3

U kñia wat ïa u khun la jong kum ka jingainguh thang ïa ki bleithaw, da kaba pyrthuh bud ïa ki jingleh kiba ijli jong ki briew ïa kiba U Trai u la beh na ka ri katba ki khun Israel ki dang tur shaphrang.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 KHRONIKL 33:2

Da kaba bud ïa ki jingleh ba-ijli jong ki hima kiba U Trai u la beh noh na ka ri katba ki briew jong u ki dang tur shaphrang, u Manasseh u la leh pop pyrshah ïa U Trai.

2 KHRONIKL 33:6

U kñia ïa la ki khun shynrang ha ka Them Hinnom kum ki jingainguh thang. U leh ïa ki jingkhan bad ki jingleh myntor bad u wad jingmut na ki nongbatai kupar bad ki nongleh byrtong. U leh pop palat pyrshah ïa U Trai bad u pynkhih ïa ka jingbitar jong U.

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 2:34

Ki jaiñ jong phi ki la khah da ka snam jong kiba duk bad kiba lui lui, ym da ka snam jong ki nonglute.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

MIKAH 6:7

Hato U Trai un sngewbha lada nga wallam sha u da ki hajar ki langbrot lane da ka umphniang Olib kaba tuid khlem kut? Hato ngan ai ha u da u khun nyngkong jong nga ban siew na ka bynta ki pop jong nga?

DEUTERONOMI 12:31

Wat mane ïa U Trai U Blei jong phi kumba ki mane ïa ki blei jong ki, namar ba ha kaba mane ïa ki, ki leh ruh ïa ki kam isaitmet baroh kiba U Trai u isih. Ki kñia wat ïa la ki khun ki kti ruh ha ka ding halor ki duwan jong ki.

DEUTERONOMI 18:10

Wat kñia ïa la ki khun da kaba thang ïa ki ha ka duwan jong phi; wat shah ïa la ki briew ban khan, lane ban shat ban kheiñ, lane ban ai myntor,

DEUTERONOMI 18:9

“Ynda phi poi ha kata ka ri ba U Trai U Blei jong phi u ai ha phi, wat pyrthuh bud ïa ki jingleh kiba ijli jong ki jaitbynriew kiba shong hangta.

JOSHUA 15:8

bad artet lyngba ka Them Hinnom ter ter sha ka phang bashathie jong u lum ha kaba don ka nongbah Jerusalem jong ki Jebus. Nangta u pud u kiew artet sha ka kliar u lum ha ka phang sepngi jong ka Them Hinnom, ha ka tduh bashatei jong ka Them Rephaim.

NONGBISHAR 2:11

Nangta ki paid Israel ki la leh pop pyrshah ïa U Trai bad ki la sdang ban shakri ïa ki Baal.

NONGBISHAR 2:13

Ki la sangeh ban mane ïa U Trai bad ki la shakri ïa ki blei Baal bad Astarte.