2 KHRONIKL 26:8 - Khasi CL Bible (BSI)

⁸ Ki Ammon ki siew khajna ha u Ussaïah, bad u kylla long uba khlaiñbor haduh katta kata ba ka nam jong u ka phriang wat shaduh sha Ijipt.

KA BAIBL

⁸ Bad ki Ammon ki la ai ki jingai sngewbha ïa u Ussiah: bad ka nam jong u ka la phriang kylleng wat shaduh khap Ijipt; naba u la man khraw bor shibun.

2 KHRONIKL 26:8 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 19:38

Ka khun kaba ar ruh ka la kha khun shynrang ïa uba ka jer kyrteng u Ben-ammi. U la long u kpa tymmen jong ki Ammon haduh kane ka sngi.

2 SAMUEL 8:13

U Dabid u la nang kham pawnam shuh shuh haba u la wan phai na kaba pynïap khatphra hajar ngut ki nong Edom ha ka Them Mluh.

2 SAMUEL 8:2

Nangta u jop ïa ki Moab. U la phah thiah ïa ki koidi ha madan bad pynïap ar ngut na man ki lai ngut. Kumta ki Moab ki kylla long noh ki raïot jong u, bad ki siew khajna sha u.

1 SYIEM 4:31

U long uba stad tam na ki rangbah baroh: kham stad ban ïa u Ethan u nong Esrah, bad ïa u Heman, u Kalkol, bad u Darda, ki khun jong u Mahol, bad ka nam jong u ka phriang kylleng ki ri kiba marjan baroh.

1 KHRONIKL 14:17

Ka nam u Dabid ka saphriang kylleng, bad U Trai u pynlong ïa ki hima baroh ban sheptieng ïa u.

2 KHRONIKL 17:11

Katto katne ki Philistia ki wallam sha u Jehoshaphat shibun bah ka rupa bad kiwei ki jingai sngewbha, bad katto katne ki Arab ki wallam hynñiew hajar hynñiewspah tylli ki langbrot bad hynñiew hajar hynñiewspah tylli ki blang.

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 26:9

U Ussaïah u pynkhlaiñ ïa ki jingker kynroh ïa ka Jerusalem da kaba tei ïa ki kut ha Khyrdop Dong, ha Khyrdop Them, bad ha ka jaka ba khun ka kynroh.

2 KHRONIKL 27:5

U ïaleh pyrshah ïa u syiem ka Ammon bad ïa ka kynhun shipai jong u bad u jop ïa ki. Nangta u pynbor ïa ki Ammon ban siew ïa u ka khajna man ka snem haduh lai snem kumne: lai hajar sawspah kilo ka rupa, shihajar ton u kew, bad shihajar ton u barli.

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

DEUTERONOMI 2:19

Te phin sa poi hajan ka ri ki Ammon, ki khun ki ksiew jong u Lot. Wat pynjynjar ïa ki lane ïaleh thma bad ki, namar ngan ym ai ei ei ïa phi na kata ka ri ïa kaba nga la ai ha ki.’ ”

1 SAMUEL 11:1

Kumba shi bnai hadien kata, u Nahash u syiem Ammon u ïalam ïa la ka kynhun shipai pyrshah ïa ka shnong Jabesh kaba ha ri Gilead bad u kerkut ïa ka. Ki rangbah jong ka Jabesh ki ong ha u Nahash, “Ïateh jutang bad ngi, bad ngin pdiang ïa phi kum u nongsynshar jong ngi.”