2 KHRONIKL 22:7 - Khasi CL Bible (BSI)

⁷ U Blei u pyndonkam ïa kane ka jingleit jngoh ïa u Joram ban wanrah ka jingkyllon noh jong u Ahasaïah. Katba u Ahasaïah u dang don hangta, ma u bad u Joram ki la shah kynroi ha u briew uba kyrteng u Jehu, u khun jong u Nimshi, uba U Trai u la jied ban pynjot ïa ka longïing syiem jong u Ahab.

KA BAIBL

⁷ Te ka jingpynjot ïa u Ahasaïah ka la long na U Blei, ha kata kaba u leit sha u Joram: namar haba u la poi, u la leit mih lem bad u Jehoram ban ïaleh ïa u Jehu u khun u Nimshi, ïa uba U Trai u la thung ban ot noh ïa ka ïing u Ahab.

2 KHRONIKL 22:7 ပူးပေါင်းရင်းမြစ်များ

1 SYIEM 12:15

Ka long ka mon jong U Trai ban pynjia ïa kaei kaba U la kren ha u Jeroboam u khun jong u Nebat lyngba u Ahijah u nongïathuhlypa na Shiloh. Dei namar kane balei ba u syiem um shym shahshkor ïa ki paidbah.

1 SYIEM 12:24

“Wat tur ïaleh pyrshah ïa ki hynmen ki para jong phi hi, ki paid Israel. Khie ïaleit noh sha ïing phi baroh. Kaei kaba jia ka long kaba nga mon.” Baroh ki la kohnguh ïa ka hukum U Trai bad ki leit phai sha la ïing.

1 SYIEM 19:16

pynsleh ïa u Jehu u khun jong u Nimshi kum u syiem ka Israel, bad pynsleh ïa u Elisha u khun jong u Shaphat na Abel Meholah ban long nongïathuhlypa hadien jong me.

1 SYIEM 22:20

U Trai u kylli, ‘Uei u ban shukor ïa u Ahab khnang ba un leit bad shah pynïap ha Ramoth?’

2 SYIEM 10:11

Nangta u Jehu u pynïap lut sa ïa baroh ki ba-ha-ïing ha-sem jong u Ahab kiba shong basah ha Jesreel, bad ïa baroh ki rangbah pynïaidkam jong u, ki paralok kiba jan eh bad u, bad ïa ki lyngdoh jong u; ym don shuh uwei na ki ïa uba dang sah pynim.

2 SYIEM 9:21

U syiem Joram u hukum, “Pynkhreh ka kali ïapom jong nga.” Ynda la pynkhreh, ma u bad u syiem Ahasaïah ki mih mar la ka kali ïapom ban leit ïakynduh ïa u Jehu. Ki ïakynduh ïa u ha ka lyngkha kaba la ju long ka jong u Naboth.

2 SYIEM 9:27

Haba u syiem Ahasaïah u ïohi ïa kaei kaba la jia, kumta u phet ïap ha la ka kali ïapom sha ka shnong Beth Haggan, ba la beh kthong da u Jehu. “Pynïap ïa u ruh!” U Jehu u la hukum ïa ki rangbah jong u, bad ki la pynmynsaw ïa u katba u dang ñiah ïa ka kali ïapom jong u ha ka lynti kaba kiew sha Gur kaba hajan ka shnong Ibleam. Hynrei u la ïohlad ban nang leit tad haduh ba un da poi ha ka nongbah Megiddo, ha kaba u ïap.

2 KHRONIKL 10:15

Ka long ka mon jong U Trai U Blei ban pynjia ïa kaei ba u la kren ha u Jeroboam u khun jong u Nebat lyngba u Ahijah u nongïathuhlypa na Shiloh. Kane ka long balei ba u syiem um shym la shahshkor ïa ki briew.

2 KHRONIKL 22:6

U la leit phai pat sha ka nongbah Jesreel ban ïohkhiah na ki jingmong jong u, bad u Ahasaïah u la leit shata ban jngoh ïa u.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

MALAKHI 4:3

Ha ka sngi haba ngan leh ïa ka kam, phin jop thiaw ïa ki bymman, bad kin long kum u pui pui hapoh ki kjat jong phi.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

NONGBISHAR 14:4

U kpa bad ka kmie jong u kim tip ba kane baroh ka dei na U Trai, naba U Trai u wad ka lad ban ïaleh ïa ki Philistia. Ha kata ka por ki Philistia ki synshar ïa ki Israel.