2 KHRONIKL 20:1 - Khasi CL Bible (BSI)

¹ Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

KA BAIBL

¹ Te ka la jia hadien kane, ba ki khun Moab, bad ki khun Ammon, bad ryngkat bad ki katto katne na ki nong Ammon, ki la wan ban ïaleh thma ïa u Jehoshaphat.

2 KHRONIKL 20:1 ပူးပေါင်းရင်းမြစ်များ

1 KHRONIKL 4:41

Ha ka por u Hesekaïah u syiem Judah, ki rangbah ba la jer kyrteng haneng ki la leit sha Gerar bad ki la pynjot thiaw ïa ki ïingjaiñ bad ki ïingtrep jong ki briew kiba shong hangta. Ki la beh noh ïa ki briew bad ki la shongduh junom hangta namar ba don kyrhai ka jaka phlang na ka bynta ki langbrot jong ki.

2 KHRONIKL 14:8

U syiem Asa u don ka kynhun shipai kaba lai lakh ngut ki rangbah na Judah, kiba kieng atiar da ki stieh bad ki sum, bad ar lakh phraphew ngut ki rangbah na Benjamin, kiba kieng atiar da ki stieh bad ki ryntieh. Baroh na ki, ki long kiba shlur, ki rangbah ba la pyntbit bha.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

2 KHRONIKL 19:2

U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

2 KHRONIKL 19:5

U thung ki nongbishar ha kawei pa kawei ka nongbah ba la tei kut jong ka Judah bad u bthah ïa ki:

2 KHRONIKL 20:10

“Mynta ki briew jong ka Ammon, ka Moab bad ka Edom ki la tur ïaleh ïa ngi. Mynba ki kpa tymmen ki mihnoh na Ijipt, mem shym la shah ïa ki ban rung ha kito ki ri, kumta ba ki kpa tymmen jong ngi ki la hap ban ïaid sawdong jong ki bad mem shym la pynjot ïa ki.

2 KHRONIKL 26:7

U Blei u ïarap ïa u ban jop ïa ki Philistia, ïa ki Arab kiba shong ha Gurbaal, bad ïa ki Meun.

2 KHRONIKL 32:1

Hadien kine ki jingjia, ha kaba u syiem Hesekaïah u la ïaineh ha ka jingshakri ïa U Trai, u Sennakherib, u patsha ka Assyria, u tur ïaleh ïa ka Judah. U kerkut ïa ki nongbah ba la tei kynroh bad u ai ki hukum ïa ka kynhun shipai jong u ban pynpra ïa ka lynti lyngba ki kynroh.

ISAÏAH 16:6

Ki briew jong ka Judah ki ong, “Ngi la ïohsngew katno ki briew jong ka Moab ki long kiba sarong. Ngi tip ba ki long kiba sngewmeng bad kiba sarong palat, hynrei ka jingkob jong ki ka long kaba thylli.”

ISAÏAH 7:1

Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

JEREMAÏAH 10:24

Pynbeit ïa ki briew jong me, A Trai; hynrei wat leh tyngeh halor jong ngi lane pynshitom ïa ngi haba me bitar; kata ka lah ban long ka jingkut jong ngi.

JEREMAÏAH 49:1

Kane ka dei kaei kaba U Trai u ong shaphang ka Ammon: “Shano ki rangbah ka Israel? Hato ym don mano mano ban ïada ïa la ka ri? Balei ba ki shah ïa ki briew kiba mane ïa u Molekh kin shim ïa ki jaka jong ka jait Gad bad shongduh hangta?

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.