2 KHRONIKL 2:6 - Khasi CL Bible (BSI)

⁶ Pynban ym don uno uno uba lah shisha ban tei ka Templ na ka bynta U Blei, namar wat ka jingïar jong ka bneng kam lah ban ngiam ïa u. Kumno te nga lah ban tei ka Templ ka ban long kaba kumno kumno kaba kham heh ban ïa ka jaka ban thang jingiwbih ïa U Blei?

KA BAIBL

⁶ Hynrei, uei uba lah ban thaw ïing ïa u, haba ka bneng bad ka bneng jong ki bneng kim lah kynthup ïa u? nga long uei te, ba ngan thaw ïing ïa u, tang ban shu thang ïa ka jingiwbih ha khmat jong u?

2 KHRONIKL 2:6 ပူးပေါင်းရင်းမြစ်များ

2 SAMUEL 7:18

Nangta u Syiem Dabid u leit shapoh ka Ïingjaiñ ka Jingdon Ryngkat U Trai, u shong bad u duwai, “A Trai Nongsynshar, ngam long uba bit ïa kaei kaba me la leh na ka bynta jong nga lymne wat ka longïing jong nga.

1 SYIEM 7:13

U Syiem Solomon u phah khot ïa u briew uba kyrteng u Huram, u nongshna tiar uba shong basah ha ka nongbah Tyros, uba long uba tbit ha ka jingtrei rnong.

1 SYIEM 7:14

U kpa jong u, uba la ïap noh, u dei na Tyros, bad u la long ruh uba tbit ha ka jingshna tiar rnong; ka kmie jong u ka dei na ka jait Naphtali. U Huram u long u nongshna tiar uba stad bad uba la nang bha. U la pdiang ïa ka jingkhot sngewbha u Syiem Solomon ban long u nongpynïaid ïa baroh ka jingtrei rnong.

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

1 KHRONIKL 22:15

Me don bun ki nongtrei. Ki don ki rangbah ki ban trei ha ki par maw, bad ki don ki misteri maw bad misteri dieng, bad shibun ki nongtrei kti ha ki jait kam baroh ba ki lah ban trei ha ka ksiar, ka rupa, ka rnong bad ka nar.

1 KHRONIKL 29:14

“Pynban ki briew jong nga bad ma nga ngim lah shisha ban ai ei ei ïa me, namar kaei kaei baroh ka dei ka jingai sngewbha jong me, bad ngi la ai biang sha me ïa kaei kaba dei ka jong me hi.

2 KHRONIKL 1:10

Lym kumta, kumno ngan lah ban synshar ïa une u paidlang uba khraw jong me?”

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

EKSODOS 3:11

Hynrei u Moses u ong ha U Blei, “Ngam long ei ei. Kumno nga lah ban leit sha u Pharaoh bad ban ïalam noh ïa ki Israel na Ijipt?”

EKSODOS 31:5

ban ot ïa ki mawlynnai bad ban pyndait ïa ki, ban oh-shrong ïa ki dieng, bad ban trei ïa kano kano ka jait jingtrei kaba da ki dur pynitynnat.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

2 KORINTH 2:16

Ïa kito kiba jah noh, ka dei ka jingiwtung kaba pynïap; hynrei ha kito kiba la pynim, ka long ka jingiwbih kaba wallam jingim. Uei keiñ, uba lah ban leh ïa kaba kum kata ka kam?

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:14

hynrei leit rah ïa ki tang ha kawei ka jaka ha kaba U Trai un jied na ka ri jong kawei na ki jait jong phi, bad hangta phin leh ïa kita baroh kiba nga la hukum ïa phi.

DEUTERONOMI 12:26

Leit rah ïa ki jingainguh jong phi bad ïa ki jingai sngewbha ba phi la kular sha U Trai tang sha kata ka jaka mane Blei.