2 KHRONIKL 2:3 - Khasi CL Bible (BSI)

³ U Solomon u phah khubor sha u Hiram u syiem ka Tyros: “To ïakhaïi bad nga kumba phi la leh bad u syiem Dabid, u kpa jong nga, mynba phi la die ïa u ki dieng Kedar tylli na ka bynta ban tei ïa ka ïingsyiem jong u.

KA BAIBL

³ Te u Solomon u la phah sha u Huram u syiem ka Tyros, u da ong, “Kumba me la leh bad u Dabid u kpa jong nga, bad me la phah ha u ïa ki dieng Kedar ban thaw ka ïing ïa u ba un shong ha ka, kumta ruh, to leh bad nga.

2 KHRONIKL 2:3 ပူးပေါင်းရင်းမြစ်များ

2 SAMUEL 5:11

U syiem Hiram jong ka Tyros u phah ka kynhun ki nongkhaïi sha u Dabid; u pynbiang ïa u ki dieng sawdong Kedar bad ki misteri dieng bad ki misteri maw ban tei ïing ïa ka ïingsyiem.

1 KHRONIKL 14:1

U Hiram u syiem ka Tyros u phah ïa ka kynhun shalan mar sha u Dabid; u pynbiang ïa u ki dieng Kedar tylli bad ki misteri maw bad ki misteri dieng ban tei ïa ka ïingsyiem.

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

2 KHRONIKL 24:14

Ynda ki la pyndep ïa ka jingpynbha, ïa ka ksiar bad ka rupa kaba tam la ai sha u syiem bad sha u Jehoïada, kiba la pyndonkam ïa ka ha kaba phah shna ïa ki pliang bad kiwei ki pat ki khiew ki pliang na ka bynta ka Templ. Katba u Jehoïada u dang im, ïa ki jingkñia la ai tista ha ka Templ.

2 KHRONIKL 4:19

U syiem Solomon u phah shna ruh ïa ki jingbuh jingsat da ka ksiar na ka bynta ka Templ: Ka duwan bad ki miej na ka bynta u kpu ba la ainguh sha U Blei;

2 KHRONIKL 8:13

u la kñia ki jingainguh thang kat kum ka jingdawa jong ka Hukum u Moses na ka bynta kawei pa kawei ka sngi kaba khuid: ki Sabbaton, ki Jingkhawai Niam Bnai Thymmai, bad ki lai tylli ki Jingkhawai Niam kiba man ka snem — ka Jingkhawai Niam U Kpu Bakhlem Thiat, ka Jingkhawai Niam ka Jingot, bad ka Jingkhawai Niam Ki Ïingtrep.

ESRA 6:3

“Ha ka snem banyngkong jong ka jingsynshar jong u patsha Syros, u la hukum ba ïa ka Templ ha Jerusalem yn tei pat ha kaba ïa ki jingkñia bad ki jingainguh yn thang. Ka Templ ka dei ban long arphew hynñiew mitar ka jingjrong bad arphew hynñiew mitar ka pyngkiang.

NEHEMAÏAH 10:34

Ma ngi, ki paidbah, ki lyngdoh, ki Lebi, ngin kynting sbai man ka snem ban jied kino ki kur kin pynbiang ki dieng ban thang jingkñia ban ai sha U Trai U Blei jong ngi, kat kum ki jingdonkam ka Hukum.

EKSODOS 25:30

Ïa ka miej dei ban buh ha khmat ka Synduk ka Jutang, bad u kpu ainguh uba kyntang u dei ban don halor jong ka borabor.

EKSODOS 29:38

“Man la ka sngi ha ki por ban wan, kñia ha kata ka duwan ar tylli ki khunlangbrot kiba shisnem.

EKSODOS 29:39

Kñia uwei u khunlangbrot mynstep bad uwei pat ynda janmiet.

EKSODOS 29:41

Kñia ïa u khunlangbrot uba ar ynda janmiet, bad ainguh lang bad u katjuh u kew ba la tylliat ni bha, ka umphniang Olib, bad ka waiñ kumba leh mynstep. Kane ka long ka jingainguh bam sha nga U Trai, bad ka jingiwbih jong ka, ka pynsngewbha ïa nga.

EKSODOS 30:7

Man ka step haba u Aaron u wan ban pynkhreh ïa ki sharak, u dei ban thang ïa ka jingiwbih halor jong ka.

LEBITIKOS 23:2

ïa kine ki jingbuhbeit ryntih na ka bynta ki Jingkhawai Niam, haba ki paid Israel ki ïalumlang ban mane Blei.

LEBITIKOS 9:17

U kñia ïa ka jingainguh bam bad u shim shi kham u purew bad u thang ïa u halor ka duwan. (Kane ka long nalor ka jingainguh thang kaba man ka sngi.)

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:9

Ha ka sngi Sabbaton ainguh ar tylli ki khunlangbrot shynrang kiba shisnem ka rta bad ki bym don kano kano ka jingduna lem bad ar kilo u 'purew ba la khleh bad ka umphniang Olib kum ka jingainguh bam, bad ka jingainguh da ka waiñ.