2 KHRONIKL 2:16 - Khasi CL Bible (BSI)

¹⁶ Ha ki lum Lebanon ngin khet ïa ki dieng Kedar baroh katba phi donkam, ngin teh ïa ki ha ki bur, bad pynkie ïa ki ha ka duriaw shaduh Joppa. Na kata ka jaka phi lah ban kit ïa ki sha Jerusalem.”

KA BAIBL

¹⁶ te ngin khet dieng na Lebanon katba men donkam: bad ngin wallam ïa ka sha me da kaba pynkie ha ka duriaw shaduh Joppa; me ruh men sa kit ïa ka sha Jerusalem.”

2 KHRONIKL 2:16 ပူးပေါင်းရင်းမြစ်များ

1 KHRONIKL 22:2

U Dabid u ai hukum ïa baroh ki nongwei baroh kiba shong basah ha Ri Israel ban ïalumlang, bad u pyntrei ïa ki. Katto katne na ki, ki shna ïa ki mawkynroh ban tei ïa ka Templ.

2 KHRONIKL 30:25

Kumta uwei pa uwei baroh u la kmen — ki paid Judah, ki lyngdoh, ki Lebi ki paidbah kiba la wan na ka phang bashatei, bad ki nongwei kiba la shongduh ha Israel bad ha Judah.

2 KHRONIKL 8:7

U Solomon u pyndonkam ha kaba pyntrei jubor ïa baroh ki khun ki ksiew jong ki briew ka Kanaan kiba ki Israel kim shym la pynïap mynba ki knieh ïa ka ri jong ki. Kine ki kynthup ïa ki Hit, ki Amor, ki Peris, ki Hib, bad ki Jebus, kiba ki khun ki ksiew jong ki, ki dang long ki mraw haduh mynta.

ESRA 3:7

Ki briew ki ai pisa ban siew ïa ki misteri maw bad ki misteri dieng bad ïa ka jingbam jingdih bad ka umphniang Olib ban phah sha ki nongbah jong ka Tyros bad Sidon kum ka jingïabujli na ka bynta ki dieng Kedar na Lebanon, ban wallam lyngba ka duriaw sha Joppa. Ïa kane baroh la leh da ka jingai jingbit u Syros, u patsha ka Persia.

JONAH 1:3

U Jonah pynban, u la leit sha ka jaka kaba marpyrshah khnang ban phet noh na U Trai. U la leit sha Joppa, ha kaba u la shem ïa ka liengbah ka ban sa leit sha Spain. U la siew ïa ka bai lynti bad u la rung shapoh ryngkat bad ki nongtrei liengbah kiba leit sha Spain, ha kaba un long jngai na U Trai.

ÏOANNIS 1:3

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u.

KI KAM 10:32

Phah ïano ïano sha Joppa ban shem ïa u briew uba ka kyrteng pura ka long u Simon Petros. U shong basa ha ka ïing jong u Simon, u nongpdem snieh, uba shong basah harud duriaw.’

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

KI KAM 9:38

Ka Joppa kam shym da jngai na Lydda, bad haba ki parabangeit ha Joppa ki la ïohsngew ba u Petros u la don ha Lydda, ki la phah ar ngut ki rangbah sha u lem bad ka khubor, “To pynkloi bad wan sha ngi.”

KI KAM 9:42

Ka khubor shaphang kane ka la par kylleng ka Joppa, bad bun ki briew ki la ngeit ha U Trai.

KI KAM 9:43

U Petros u la ïaisah bun sngi ha Joppa lem bad u nongpdem snieh uba kyrteng u Simon.

JOSHUA 19:46

ka Mejarkon, bad ka Rakkon, kumjuh ruh ka jaka sawdong ka Joppa.

JOSHUA 9:27

Hynrei ha kajuh ka por u la pynlong mraw ïa ki ban thoh dieng bad kit um ïa ki paid Israel bad ïa ka duwan U Trai. Haduh kane ka sngi ki la ïai bteng ïa kane ka kam ha ka jaka kaba u Trai u la jied ban mane ïa u.