2 KHRONIKL 19:3 - Khasi CL Bible (BSI)

³ Hynrei la katta ruh, ka dang don katto katne ka jingbha ha phi. Phi la weng baroh ki dur jong ka blei Asherah kaba ki briew ki mane, bad phi la pyrshang ban bud ïa ka mon U Blei.”

KA BAIBL

³ La kumta ruh, don kiei kiei ki babha ïa kiba la shem ha me, ha kaba me la pynduh noh ïa ki Asherah na ka ri, bad ba me la thew la ka dohnud ban wad ïa U Blei.”

2 KHRONIKL 19:3 ပူးပေါင်းရင်းမြစ်များ

1 SYIEM 14:13

Baroh ki paid Israel kin ïambriew na ka bynta jong u bad kin tep ïa u. Un dei tang ma u na ka longïing u Jeroboam ïa uba yn ïoh tep donburom, namar u long tang ma u hi ïa uba U Trai, U Blei ki Israel, u sngewbha.

2 KHRONIKL 11:16

Na ki jait Israel baroh, ki briew kiba kwah da shisha ban mane ïa U Trai, U Blei ki Israel, ki bud ïa ki Lebi sha Jerusalem, khnang ba kin ïoh ai ïa ki jingkñia sha U Trai, U Blei jong ki kpa tymmen jong ki.

2 KHRONIKL 12:12

Namar ba u pyndem ha U Trai, ka jingbitar U Trai kam shym pynjot thiaw ïa u, bad kiei kiei ki long kiba bha ïa ka Judah.

2 KHRONIKL 12:14

U leh ïa kaei kaba sniew, namar ba um shym pyrshang ban wad ïa ka mon U Trai.

2 KHRONIKL 15:12

Ki pynlong ka jutang ha kaba ki mynjur ban mane ïa U Trai, U Blei jong ki kpa tymmen jong ki, da ka dohnud bad ka mynsiem jong ki baroh.

2 KHRONIKL 15:15

Baroh ki paid ka Judah ki la kmen namar ki la pynlong ïa kane ka jutang da ka dohnud baroh. Ki shem sngewbha ha ka jingmane ïa U Trai, bad u pdiang ïa ki bad u ai ha ki ka jingsuk na ki liang baroh.

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

2 KHRONIKL 20:33

hynrei ïa ki jaka mane ba-thala ym shym la pynjot. Ki briew kim pat shym la phai da ka dohnud baroh ban shakri ïa U Blei jong ki kpa tymmen jong ki.

2 KHRONIKL 22:9

La pynlong ka jingleit wad bniah ïa u Ahasaïah, bad la shem ïa u ba u rieh ha Samaria. Ki la leit lam ïa u sha u Jehu bad pynïap ïa u. Hynrei ki la tep ïa ka met jong u naba ki burom ïa u syiem Jehoshaphat u kparad jong u, uba la leh kat kaba u lah ban shakri ïa U Trai. Ym don uno uno u dkhot jong ka longïing jong u Ahasaïah uba dang sah uba lah ban synshar ïa ka hima.

2 KHRONIKL 27:6

U Jotham u la nang khlaiñbor, namar u kohnguh hok ïa U Trai U Blei jong u.

2 KHRONIKL 30:19

U syiem Hesekaïah u la duwai ïa kane ka jingduwai na ka bynta jong ki: “A U Trai U Blei jong ki kpa tymmen jong ngi, ha ka jingbha ka jong Me, to map ïa kito kiba mane ïa me da la ka dohnud baroh, wat la kim long kiba khuid kat kum ka jinglehniam.”

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

SALM 57:7

Nga don ka jingshaniah tylli, A Blei; ngan rwai bad ïaroh ïa me!

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”