2 KHRONIKL 19:2 - Khasi CL Bible (BSI)

² U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

KA BAIBL

² Te u Jehu u khun u Hanani u nongïohi, u la leit tan ïa u, bad u la ong ha u syiem Jehoshaphat, “Hato me dei ban ïarap ïa ki bymman, bad ban ieit ïa kita kiba shun ïa U Trai? Namar kane, ka jingbitar na khmat U Trai ka don halor jong me.

2 KHRONIKL 19:2 ပူးပေါင်းရင်းမြစ်များ

1 SYIEM 16:1

U Trai u kren ha u Jehu u Nongïathuhlypa, u khun jong u Hanani bad ai ha u ïa kane ka khubor na ka bynta u Baasha:

1 SYIEM 16:12

Bad kumta, kat kum kaei kaba U Trai u la lah ong pyrshah ïa u Baasha lyngba u Jehu u nongïathuhlypa, u Simri u la pynïap ïa baroh na ka longïing jong u Baasha.

1 SYIEM 16:7

Kata ka khubor na U Trai pyrshah ïa u Baasha bad ïa ka longïing jong u la ai da u Jehu u nongïathuhlypa namar ki pop ba u Baasha u la leh pyrshah ïa u Trai. U la pynkhih bitar ïa U Trai ym tang namar ki kam bymman ba u la leh, kumba u syiem Jeroboam u la leh ha shuwa jong u, hynrei ruh namar ba u la pynïap ïa baroh na ka longïing jong u Jeroboam.

1 SYIEM 21:25

(Ym shym la don mano mano uba aiti lut ïa lade ban leh ïa ka bymdei ha khmat U Trai kum u Ahab — baroh da ka jingpynbor ka tnga jong u ka Jesebel.

1 SYIEM 22:44

U Jehoshaphat u pynlong jingïasuk bad u syiem Israel.

2 KHRONIKL 16:7

Ha kata ka por u Hanani lyngdoh u leit sha u syiem Asa bad ong, “Namar ba me la shaniah ha u syiem Syria ban ïa kaba shaniah ha U Trai U Blei jong me, ka kynhun shipai u syiem Israel ka la lait phet na me.

2 KHRONIKL 18:1

Haba u Jehoshaphat u syiem ka Judah u la riewspah bad pawnam, u la pynbeit ïa ka jingshongkurim hapdeng u dkhot ka longïing jong u bad ka longïing u Ahab u syiem ka Israel.

2 KHRONIKL 18:28

Hadien kata, u Ahab u syiem Israel bad u Jehoshaphat u syiem Judah ki leit tur ïaleh ïa ka nongbah Ramoth ha Gilead.

2 KHRONIKL 18:3

U ong, “Phin leit bad nga ban tur ïaleh ïa ka Ramoth?” U Jehoshaphat u jubab, “Nga long uba la kloi haba phi la kloi, bad kumjuh ruh ka kynhun shipai jong nga. Ngin ïasnohkti lang bad phi.”

2 KHRONIKL 18:7

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u namar um ju ïathuhlypa kaba bha ïa nga; ka ju long borabor kaei kaei kaba sniew.” “Phim dei ban ong kumta!” u Jehoshaphat u jubab.

2 KHRONIKL 19:1

U Jehoshaphat u syiem Judah u wan phai khlem shah pynïap sha ka ïingsyiem ha Jerusalem.

2 KHRONIKL 19:10

Haba ki para nongshong shnong na kino kino ki nongbah ki wallam ha khmat jong phi ïa ka kam pynïap briew ne kano kano ka jingpynkheiñ ïa ka aiñ ne ka hukum, phi dei ban bthah bha ïa ki kumno ba ki dei ban leh donakor ïa lade ha ka por jong ka jingbishar, khnang ba kin ym leh pop pyrshah ïa U Trai. Lada phim leh kumta, ma phi bad ki para nongshong shnong jong phi, kin sngew ïa ka bor jong ka jingbitar U Trai. Hynrei lada phi leh ïa la ka kamram, phin long kiba la ksan.

2 KHRONIKL 20:34

Baroh kiei kiei kiba u Jehoshaphat u la leh, naduh kaba sdang jong ka jingsynshar jong u haduh kaba kut, la buh jingthoh ha Ka Histori u Jehu u khun jong u Hanani, kaba long shi bynta jong Ka Histori Jong Ki Syiem Ka Israel.

2 KHRONIKL 24:18

Kumta ki paidbah ki sangeh noh ban mane ha ka Templ jong U Trai, U Blei jong ki kpa tymmen jong ki, bad ki sdang ban mane ïa ki bleithaw bad ïa ki dur jong ka blei Asherah. Ka jingrem jong ki namar kine ki pop ka la wallam ïa ka jingbitar U Trai halor ka ha Judah bad ka Jerusalem.

2 KHRONIKL 26:18

Ki ong, “Ko Ussaïah! Phim don hok ban thang jingiwbih ha U Trai. Dei tang ki lyngdoh kiba hiarpateng na u Aaron ïa kiba la pynkyntang ban leh ïa kane. Khie mihnoh na kane ka jaka kyntang. Phi la pynsngewsih ïa U Trai U Blei, bad phin ym ïoh shuh ïa ka jingkyrkhu jong u.”

2 KHRONIKL 32:25

Hynrei u Hesekaïah u sngewsarong palat ban pynpaw ïa ka jingsngewnguh ïa kaei kaba U Trai u la leh namar jong u, bad ka Judah bad ka Jerusalem ki mad jingjynjar na kata.

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

SALM 21:8

U syiem un ïohkem ïa ki nongshun jong u baroh, un ïohkem ïa uwei pa uwei uba isih ïa u.

SALM 68:1

U Blei u ïeng joit bad u pynsakma ïa ki nongshun jong u. Kito kiba shun ïa u kin phet krad ha ka jingshahjop.

SALM 71:15

Ngan ïathuh shaphang ka jingbha jong me; baroh shi sngi ngan kren shaphang ka jingpynim jong me, wat la ka long palat ïa kaba nga lah ban sngewthuh.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

AMOS 7:14

U Amos u jubab, “Ngam dei kum uta u jait nongïathuhlypa, uba ïathuhlypa na ka bynta ban ïoh jingsiew. Nga dei u nongri jingri, bad nga sumar ïa ki dieng Dumbur.

ÏOANNIS 15:18

“Lada ka pyrthei ka shun ïa phi, to kynmaw ba ka la shun ïa nga nyngkong.

ÏOANNIS 15:23

Uno uno uba shun ïa nga u shun ïa U Kpa jong nga ruh.

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

EPHESOS 5:11

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.

DEUTERONOMI 32:41

ba ngan shut pynnep ïa ka waitlam kaba phalang jong nga, bad ai ïa ka jingbishar bahok, ngan pynhiarkput ïa ki nongshun jong nga bad pynshitom ïa kito kiba isih ïa nga.

DEUTERONOMI 33:11

Ko Trai, to ïarap ïa ka jait jong ki ba kan nang khlaiñ; To pdiang sngewbha kat ïa kaba ki pyndep, To pynlwet ïa ki nongshun jong ki, Ba kin ym khie khlieh shuh lano lano.”

DEUTERONOMI 5:9

Wat dem ne mane ïa kano kano ka bleithaw, naba nga U Trai U Blei jong phi ngam lah shah ba phin mane ïa kiwei pat ki blei. Nga pynshitom ïa kito kiba isih ïa nga bad ïa ki khun ki ksiew jong ki haduh kaba lai bad kaba saw pateng.

DEUTERONOMI 7:10

hynrei un ym pynslem ban pynshitom ïa kito kiba isih ïa u.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 SAMUEL 9:9

U Saul u jubab, “Ka jingai jingmut jong phi kaba dei! Ïa ngin ïaleit.” Kumta ki leit sha kata ka shnong ha kaba uta u riewkhuid u shong. Katba ki dang ïakiew ïa ka thiep sha kata ka shnong, ki ïakynduh ïa ki samla kynthei kiba dang leit tong um. Ki kylli ïa kita ki samla kynthei, “Uto u nongïohipaw u don ha shnong?” (Ha kata ka por, ha Israel, ïa u nongïathuhlypa la ju khot u nongïohipaw, bad kumta haba uno uno u briew u kwah ban kylli ei ei na U Blei, u ju ong, “Ïa ngin ïaleit sha u nongïohipaw.”)