2 KHRONIKL 18:5 - Khasi CL Bible (BSI)

⁵ Kumta u Ahab u khot shapoh ïa ki nongïathuhlypa, kumba sawspah na ki, bad u kylli ïa ki, “Hato ngan leit bad tur ïaleh ïa ka Ramoth, ne em?” “Tur ïaleh ïa ka,” ki jubab. “U Blei un ai jingjop ïa phi.”

KA BAIBL

⁵ Ynda kumta, u syiem ki Israel u la ïalum lang ïa ki nongïathuhlypa, sawspah ngut, bad u la ong ha ki, “Ngin leit sha Ramoth-gilead ban ïaleh thma, ne ngan pep?” Ki te ki la ong, “Khie leit; namar U Blei un ai noh ïa ka ha ka kti jong u syiem.”

2 KHRONIKL 18:5 ပူးပေါင်းရင်းမြစ်များ

1 SYIEM 12:9

“Kaei phi ai jingmut ïa nga ban leh?” U kylli. “Kaei ngan ong ïa ki briew kiba kyrpad ïa nga ban pynsting ïa ki jingkit jong ki?”

1 SYIEM 18:19

Mynta hukum ïa ki paid Israel baroh ban ïakynduh ïa nga ha u Lum Karmel. Wallam ruh sawspah sanphew ngut ki nongïathuhlypa jong u Baal bad sawspah ngut ki nongïathuhlypa jong ka blei Asherah kiba ïoh jingkyrshan na ka syiem Jesebel.”

1 SYIEM 4:13

U Bengeber: ka nongbah Ramoth ha Gilead, bad ki shnong ha Gilead kiba dei jong ki kur u Jair, uba hiarpateng na u Manasseh, bad ka thain Argob ha Bashan, baroh hynriewphew tylli ki shnong kiba heh, kiba la ker da ki kynroh bad ki nar rnong ha ki khyrdop

2 SYIEM 3:13

“Balei ngan ïarap ïa phi?” u Elisha u ong ïa u syiem ka Israel. “Khie leit bad kylli na kito ki nongïathuhlypa kiba u kpa bad ka kmie jong me ki la kylli.” “Em!” u Joram u jubab. “U dei U Trai uba la buh ïa ngi lai ngut ha ka jingisynei jong u syiem ka Moab.”

2 KHRONIKL 18:14

Haba u ïeng ha khmat u syiem Ahab, u syiem u kylli ïa u, “Ko Mikaïah, hato u syiem Jehoshaphat bad nga ngin leit bad tur ïaleh ïa ka Ramoth, ne em?” “Tur!” u Mikaïah u ong. “Da shisha phin jop. U Trai un ai ïa phi ka jingjop.”

2 KHRONIKL 18:4

Nangta u ong shuh, “Hynrei nyngkong, to ngin ïakylli ïa U Trai.”

2 KHRONIKL 18:6

Hynrei u Jehoshaphat u kylli, “Hato ym don sa uwei pat u nongïathuhlypa ïa uba ngin kylli ïa U Trai?”

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 23:16

U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

2 TIMOTHI 4:3

Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.