2 KHRONIKL 17:1 - Khasi CL Bible (BSI)

¹ U Jehoshaphat u long syiem hadien u Asa u kpa jong u, bad u la pynkhlaiñ ïa lade pyrshah ïa ka Israel.

KA BAIBL

¹ Bad u Jehoshaphat u khun jong u, u la synshar ha ka jaka jong u, bad u la pynkhlaiñ ïa lade pyrshah ïa ki Israel.

2 KHRONIKL 17:1 ပူးပေါင်းရင်းမြစ်များ

1 SYIEM 15:24

U Asa u la ïap bad la tep ïa u ha ka jingtep ki syiem ha ka Nongbah u Dabid, bad u Jehoshaphat u khun jong u, u long syiem ha ka jaka jong u.

1 SYIEM 22:41

Ha ka snem kaba saw jong ka jingsynshar u Ahab u syiem ka Israel, u Jehoshaphat u khun jong u Asa u la long u syiem ka Judah,

2 SYIEM 1:17

U Ahasaïah u la ïap, kumba U Trai u la lah ong lyngba u Elijah. U Ahasaïah um shym don khun shynrang, kumta u Joram, u para jong u, u la long syiem ha ka jaka jong u ha ka snem kaba ar jong ka jingsynshar u Jehoram u khun jong u Jehoshaphat, u syiem ka Judah.

1 KHRONIKL 11:10

Kine ki dei ki shipai bapawnam jong u Dabid. Ryngkat lang bad kiwei de ki paid Israel, ki la ïarap ïa u ban long syiem, kumba U Trai u la kular, bad ki pynneh skhem ba ka hima jong u kan long kaba khlaiñ.

2 KHRONIKL 12:1

Mar ïadep pynskhem ïa la ka bor kum u syiem, u Rehoboam bad ki briew jong u baroh ki iehnoh ïa ka Hukum jong U Trai.

2 KHRONIKL 17:2

U pynap shipai ha ki nongbah ba la tei kut ka Judah, ha ki rudnong Judah, bad ha ki nongbah kiba u Asa u la jop ha ka ri ki Ephraim.

2 KHRONIKL 26:8

Ki Ammon ki siew khajna ha u Ussaïah, bad u kylla long uba khlaiñbor haduh katta kata ba ka nam jong u ka phriang wat shaduh sha Ijipt.

2 KHRONIKL 32:5

U syiem u pynkhlaiñ ïa ki jingïada ïa ka nongbah da kaba tei bha ïa ka kynroh, kaba tei ïa ki kut halor jong ka, bad ban shna ïa ka kynroh na shabar. Nalor kata, u tei pat ïa ki jingïada ba la tei ha ka jaka kaba la pyndap khyndew ha ka phang mihngi jong ka Jerusalem ha ka bynta kaba rim. U phah shna ruh bun bah ki sum bad ki stieh.

ESEKIEL 7:27

U syiem un ïam pangnud, u khun syiem un duh jingkyrmen, bad ki briew kin khynñiuh da ka jingsheptieng. Ngan pynshitom ïa phi na ka bynta baroh kaba phi la leh, bad ngan bishar ïa phi ha kajuh ka rukom kumba phi la bishar ïa kiwei. Kane kan pyn-i ha phi ba nga long U Trai.”

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

1 SAMUEL 23:16

U Jonathan u la leit sha u hangta bad u la pynshlur ïa u da ka jingpynthikna ïa ka jingïada jong U Blei,