2 KHRONIKL 16:9 - Khasi CL Bible (BSI)

⁹ U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

KA BAIBL

⁹ Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

2 KHRONIKL 16:9 ပူးပေါင်းရင်းမြစ်များ

JENESIS 31:28

Mem shym la ailad ba ngan ïoh doh ïa la ki khun ksiew bad ki khun kynthei jong nga. Kato ka long ka kam bieit ban leh!

2 SAMUEL 24:10

Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

1 SYIEM 15:32

U Asa u syiem Judah bad u Baasha u syiem Israel ki don borabor ha ka jingïaleh thma hapdeng jong ki katba ki dang don ha ka bor.

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

1 KHRONIKL 21:8

U Dabid u ong ha U Blei, “Nga la leh ïa ka pop kaba shyrkhei eh ha kaba leh ïa kane! Sngewbha map ïa nga. Nga la leh bieit.”

2 KHRONIKL 15:17

Wat la u Asa um shym pynjot ïa baroh ki jaka mane blei thala ha ka ri, u ïailong uba ïaineh ha U Trai shi lynter ka jingim jong u.

2 KHRONIKL 15:19

Ym shym don thma shuh haduh ka snem kaba laiphew san jong ka jingsynshar jong u.

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 19:9

U ai ha ki ïa kine ki jingbthah: “Phi dei ban pyndep ïa ki kamram jong phi ha ka jingsheptieng burom ïa U Trai, da kaba kohnguh hok ïa u ha kiei kiei ba phi leh.

2 KHRONIKL 6:20

To khmih halor kane ka Templ mynsngi bad mynmiet. Me la kular ba kane kan long ka jaka ha kaba yn mane ïa me, kumta to sngew ïa nga haba nga phai khmat sha kane ka Templ bad duwai.

ESRA 5:5

Hynrei U Blei u peit halor ki nongïalam jong ki Jiw, bad ki rangbah synshar ki Persia ki rai ban ym leh ei ei haduh ba kin da lah thoh sha u Darius bad ïoh ïa ka jubab.

Ka Kitab U Job 28:24

Namar u ïohi ïa kiba kut jong ka pyrthei, u ïohi ïa kiei kiei baroh hapoh ka suiñbneng.

Ka Kitab U Job 31:4

U Blei u tip ïa kiei kiei baroh ba nga leh; u ïohi man ka sien jam ba nga jam.

Ka Kitab U Job 34:21

U peit-thuh ïa ki sien jam ba ki briew ki jam.

SALM 113:6

hynrei u dem shapoh ban peit ïa ki bneng bad ïa ka khyndew.

SALM 33:14

Na ka jaka ba u synshar, u khmih shapoh halor baroh kiba shong ha ka pyrthei.

SALM 33:15

U saiñdur ïa ki jingpyrkhat jong ki baroh, bad u tip ïa baroh kiei kiei kiba ki leh.

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

1 KORINTH 15:36

A me u bieit! Haba me bet ïa u symbai ha ka khyndew, um lah ban shylluit lymda u ïap noh.

GALATIA 3:1

A phi ki nong Galatia kiba bieit! Uei uba la pynthame ïa phi? Ha khmat ki khmat jong phi hi la batai shai kdar ïa ka jingïap U Jisu Khrist halor ka diengphna!

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

1 PETROS 3:12

Naba U Trai u khmih halor kiba hok bad u shahshkor ïa ki jingduwai jong ki; hynrei u pyrshah ïa kito kiba leh ïa kaba sniew.”

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.