2 KHRONIKL 16:5 - Khasi CL Bible (BSI)

⁵ Haba u syiem Baasha u la ïohsngew ïa kaei kaba jia, u sangeh na kaba tei kut ïa ka Ramah bad iehnoh ïa ka kam.

KA BAIBL

⁵ Te haba u Baasha u la ïohsngew ïa kata, u la iehnoh kaba tei ïa ka Ramah, bad u la pynpep noh ïa la ka jingtrei jong u.

2 KHRONIKL 16:5 ပူးပေါင်းရင်းမြစ်များ

1 SYIEM 15:16

U Asa u syiem ka Judah bad u Baasha u syiem ka Israel ki don ha ka jingïaleh thma borabor katba ki dang don ha ka bor.

1 SYIEM 15:21

Haba u syiem Baasha u la ïohsngew ïa kaei kaba la jia, u la sangeh noh ïa ka jingtei pynskhem ïa ka Ramah bad u leit sha Tirsah.

2 KHRONIKL 16:4

U Benhadad u la mynjur ïa ka jingtyrwa u Asa bad u phah ïa ki nongïalam shipai bad ki kynhun shipai jong ki ban tur ïaleh ïa ki nongbah ka Israel. Ki jop ïa ka Ijon, Dan, Abel Beth Maakah, bad baroh ki nongbah ka Naphtali ha kiba la buh ïa ki mar ki mata.

2 KHRONIKL 16:6

Nangta u syiem Asa u lum ïa ki rangbah na baroh sawdong ka Judah bad hukum ïa ki ban rah noh ïa ki maw bad ki dieng sawdong kiba u Baasha u pyndonkam ha Ramah, bad ki pyndonkam ïa ki ban tei kut ïa ki nongbah ka Geba bad Mispah.