2 KHRONIKL 16:4 - Khasi CL Bible (BSI)

⁴ U Benhadad u la mynjur ïa ka jingtyrwa u Asa bad u phah ïa ki nongïalam shipai bad ki kynhun shipai jong ki ban tur ïaleh ïa ki nongbah ka Israel. Ki jop ïa ka Ijon, Dan, Abel Beth Maakah, bad baroh ki nongbah ka Naphtali ha kiba la buh ïa ki mar ki mata.

KA BAIBL

⁴ Bad u Benhadad u la shahshkor ïa u syiem Asa, bad u la phah ïa ki kaptan ki paidïapom jong u ban ïaleh ïa ki shnong Israel; te ki la pom ïa ka Ijon, bad ïa ka Dan, bad ïa ka Abelmaim, bad ïa ki shnong jingkynshew jong ka Naphtali ruh de.

2 KHRONIKL 16:4 ပူးပေါင်းရင်းမြစ်များ

JENESIS 14:14

Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan.

1 SYIEM 15:20

U syiem Benhadad u mynjur ïa ka jingtyrwa u Asa bad u phah ïa ki rangbah shipai jong u lem bad ka kynhun shipai ban tur ïaleh ïa ki nongbah jong ka Israel. Ki la kurup ïa ka Ijon, ka Dan, ka Abel Beth Maakah, ka jaka hajan ka duriaw Galilaïa, bad ka ri Naphtali baroh kawei.

1 SYIEM 9:19

ki nongbah ha kiba u kynshew jingbam, ki shnong buh kulai bad kali ïapom, bad kat ïa kaba u kwah ban tei ha Jerusalem, ha Lebanon, bad kylleng ka hima jong u.

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

2 KHRONIKL 16:3

“To ngin ïalong paralok, kumba ki kpa jong ngi ki la ïalong. Kane ka rupa bad ka ksiar ki long ka jingai sngewbha ïa phi. Mynta pynkheiñ noh ïa ka jingïateh lok bad u Baasha u syiem Israel khnang ba un weng noh ïa ki shipai jong u na ka ri jong nga.”

2 KHRONIKL 16:5

Haba u syiem Baasha u la ïohsngew ïa kaei kaba jia, u sangeh na kaba tei kut ïa ka Ramah bad iehnoh ïa ka kam.

2 KHRONIKL 17:12

Kumta u Jehoshaphat u nang roi bad nang khrawbor.

2 KHRONIKL 8:6

ka nongbah Baalath, baroh ki nongbah ha kiba u kynshew jingbam, bad ki nongbah ha kiba u buh ïa ki kulai bad ki kali ïapom jong u. U pyndep ïa baroh ki jingthmu jong u ban tei ha Jerusalem, ha Lebanon, bad ha kylleng ka jaka kaba u synshar.

EKSODOS 1:11

Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh.

ISAÏAH 9:1

Yn ym don kano kano ka lad ïa ki ban lait phet na kane ka por jingjynjar. Ïa ka ri jong ki jait Sebulun bad Naphtali la pynjahburom shisien, hynrei ka lawei kan wanrah burom ïa kane ka thain, na ka Mediterranian sha ka phang mihngi sha ka ri ha kawei ka liang jong ka Jordan, bad wat sha Galilaïa hi, ha kaba ki nongwei ki shong ki sah.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

2 PETROS 2:15

Ki la iehnoh ïa ka lynti kaba beit bad ki la jah lynti; ki la bud ïa ka lynti jong u Balaam, u khun jong u Beor, uba ieit ïa ka pisa kaba u ïoh da ka kam bymhok

NONGBISHAR 20:1

Baroh ki paid Israel naduh Dan kaba shaphang shatei haduh Beersheba kaba shaphang shathie, kumjuh ruh naduh ri Gilead kaba shaphang mihngi, ki la ïawanlang. Ki ïalumlang kum kawei ka kynhun ha khmat U Trai ha Mispah.