2 KHRONIKL 15:9 - Khasi CL Bible (BSI)

⁹ Bun ki briew ki wan sha ka liang u Asa na Ephraim, Manasseh, bad Simeon, bad ki shong ki sah ha ka hima jong u, namar ki la ïohi ba U Trai u long lem bad u. U Asa u phah khot ïa ki baroh bad ïa ki paid Judah bad Benjamin.

KA BAIBL

⁹ Bad u la ïalum lang ïa ki Judah bad ki Benjamin baroh, bad ïa kita kiba shong ryngkat bad ki na Ephraim bad na Manasseh, bad na Simeon ruh: namar shibun bah na ki Israel ki la wanhap ha u, haba ki la ïohi ba Trai U Blei jong u, U don ryngkat bad u.

2 KHRONIKL 15:9 ပူးပေါင်းရင်းမြစ်များ

JENESIS 26:28

Ki jubab, “Mynta ngi tip ba U Trai u don bad phi, bad ngi pyrkhat ba ka dei ban don ka jingïateh kular badonburom hapdeng jong ngi.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

1 SYIEM 12:19

Naduh kata ka por, ki briew jong ka hima bashatei jong ka Israel ki ïai ïaleh pyrshah ïa ka longïing syiem jong u Dabid.

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 KHRONIKL 12:19

Katto katne ngut ki shipai na ka jait Manasseh ki la leit sha ka liang u Dabid katba u dang tur shaphrang lem bad ki Philistia ban ïaleh ïa u Syiem Saul. Ha ka jingshisha um shym ïarap ïa ki Philistia, naba ki syiem jong ki, ki la sheptieng ïoh u shetkylla ïa ki sha u Saul u kynrad ba-mynshuwa jong u, kumta ki phah biang ïa u sha Siklag.

2 KHRONIKL 11:16

Na ki jait Israel baroh, ki briew kiba kwah da shisha ban mane ïa U Trai, U Blei ki Israel, ki bud ïa ki Lebi sha Jerusalem, khnang ba kin ïoh ai ïa ki jingkñia sha U Trai, U Blei jong ki kpa tymmen jong ki.

2 KHRONIKL 15:10

Ki ïalumlang ha Jerusalem ha u bnai uba lai jong ka snem kaba khatsan ba u Asa u long syiem.

2 KHRONIKL 19:4

Wat la u syiem Jehoshaphat u shong u sah ha Jerusalem, u leit borabor sha ki briew, na Beersheba shaphang shathie shaduh kaba kut jong ka ri lum Ephraim shaphang shatei, khnang ban khot pat ïa ki briew sha U Trai, U Blei jong ki kpa tymmen jong ki.

2 KHRONIKL 30:25

Kumta uwei pa uwei baroh u la kmen — ki paid Judah, ki lyngdoh, ki Lebi ki paidbah kiba la wan na ka phang bashatei, bad ki nongwei kiba la shongduh ha Israel bad ha Judah.

ESEKIEL 37:16

“Ko khun u briew,” u ong, “shim ïa u lyngkhot dieng bad thoh ha u ïa ki ktien ‘Ka Hima Judah.’ Nangta shim sa uwei pat u lyngkhot dieng bad thoh ha u ïa kine ki ktien: ‘Ka Hima Israel.’

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

1 SAMUEL 18:28

U Saul u sngewthuh shai ba U Trai u don ryngkat bad u Dabid bad ba ka Mikhal ka khun jong u ka ieit ïa u.