2 KHRONIKL 15:8 - Khasi CL Bible (BSI)

⁸ Haba u Asa u la ïohsngew ïa ka jingïathuhlypa ba u Asaraïah u khun jong u Oded u la kren, u la ïoh mynsiem. U la pynkynriah noh ïa ki bleithaw baroh ha ka ri Judah bad Benjamin bad baroh ki bleithaw ha ki nongbah kiba u la kurup ha ka ri lum Ephraim. U tei pynbha ruh ïa ka duwan U Trai kaba ïeng ha phyllaw jong ka templ.

KA BAIBL

⁸ Te haba u Asa u la ïohsngew ïa kine ki ktien, bad ïa ka jingïathuhlypa u Oded u nongïathuhlypa, u la sngewshlur, bad u la pynduh noh ïa kita ki jingijli na ka ri Judah bad Benjamin baroh, bad na ki shnong kiba u la knieh na ka ri lum Ephraim; bad u la pynthymmai ïa ka duwan U Trai, kaba don ha khmat ka batsha U Trai.

2 KHRONIKL 15:8 ပူးပေါင်းရင်းမြစ်များ

1 SYIEM 11:5

U mane ïa ka Astarte ka blei ki Sidon, bad ïa u Molekh u blei ba-ijli jong ki Ammon.

1 SYIEM 11:7

Halor u lum uba sha mihngi na Jerusalem u tei ka jaka mane ïa u Khemosh, u blei ba-ijli jong ki Moab, bad ka jaka mane ïa u Molekh, u blei ba-ijli jong ki Ammon.

1 SYIEM 15:9

Ha ka snem kaba arphew jong ka jingsynshar u Jeroboam u syiem ka Israel, u Asa u la long u syiem ka Judah, bad u synshar sawphew wei snem ha Jerusalem.

2 SYIEM 16:14

Ka duwan rnong ba la pynkyntang sha U Trai ka don hapdeng ka duwan bathymmai bad ka Templ, te u Ahas u pynkynriah noh ïa ka sha ka bynta bashaneng jong ka duwan bathymmai.

2 SYIEM 18:22

Ki rangbah synshar jong ki Assyria ki bteng, “Lane phin ïathuh ïa nga ba phi shaniah ha U Trai U Blei jong phi? Ka dei ki jaka mane ïa U Trai bad ki duwan kiba u Hesekaïah u la pynjot, haba u ïathuh ïa ki briew ka Judah bad ka Jerusalem ban mane tang ha ka duwan ha Jerusalem.

2 SYIEM 23:13

U Josaïah u la ñiewsang ïa ki duwan ba u syiem Solomon u la tei shaphang mihngi ka Jerusalem, shaphang shathie jong u Lum ki Olib, na ka bynta ban mane ïa ki bleithaw ba-ijli ― ka Astarte ka blei ki Sidon, u Khemosh u blei ki Moab bad u Molekh u blei ki Ammon.

2 KHRONIKL 13:19

U Abijah u beh kthong ïa ka kynhun shipai u Jeroboam bad u ïohknieh katto katne na ki nongbah jong u: ka Bethel, ka Jeshanah, bad ka Ephron, bad ki nongrit kiba hajan jong kine ki nongbah.

2 KHRONIKL 17:2

U pynap shipai ha ki nongbah ba la tei kut ka Judah, ha ki rudnong Judah, bad ha ki nongbah kiba u Asa u la jop ha ka ri ki Ephraim.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

2 KHRONIKL 19:4

Wat la u syiem Jehoshaphat u shong u sah ha Jerusalem, u leit borabor sha ki briew, na Beersheba shaphang shathie shaduh kaba kut jong ka ri lum Ephraim shaphang shatei, khnang ban khot pat ïa ki briew sha U Trai, U Blei jong ki kpa tymmen jong ki.

2 KHRONIKL 29:18

Ki Lebi ki wanrah ïa kane ka jingïathuh harum sha u syiem Hesekaïah: “Ngi la dep pynkhuid ïa ka Templ baroh kawei kat kum ka jinglehniam, kynthup ïa ka duwan na ka bynta ka jingainguh thang, ïa ka miej na ka bynta u kpu bakyntang, bad ïa ki tiar ki tar jong ki baroh.

2 KHRONIKL 4:1

U syiem Solomon u la phah shna ïa ka duwan rnong, kaba khyndai mitar sawdong, bad 4.5 mitar ka kynjang.

2 KHRONIKL 8:12

U Solomon u kñia ïa ki jingainguh ha U Trai ha ka duwan ba u la tei ha khmat ka Templ,

ISAÏAH 44:14

U lah ban pom ïa ki dieng Kedar ban pyndonkam, lane u jied da u dieng Sning lane u dieng Kseh-Sypress na ka khlaw. Lane u lah ban thung u dieng ba ïai jyrngam bad u ap ïa u slap ban pynmih ïa u.

ISAÏAH 65:4

Ha ka por mynmiet ki leit sha ki krem bad sha ki jaka tep ban ïasyllok bad ki mynsiem jong kiba ïap. Ki bam doh sniang bad ki dih ïa ka syrwa ba la shet da ka doh ba la ai jingkñia sha ki blei thala.

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

ESEKIEL 8:10

Kumta nga la rung shapoh bad nga khmih. Ïa ka kynroh la tap da ki jingdro ïa ki dur bseiñ, bad ïa kiwei pat ki mrad bymkhuid, bad ïa kiwei pat kiei kiei kiba ki Israel ki ïamane.

LEBITIKOS 18:30

Bad U Trai u la ong, “Kohnguh ïa ki hukum kiba nga ai bad wat bud ïa ki rukom im jong kito ki briew kiba shong ha kata ka ri ha shuwa jong phi, bad wat pynbyrsieh ruh ïa lade da kaba leh ïa kano kano na kine ki kam. Nga long U Trai U Blei jong phi.”

MATHAÏOS 25:16

U shakri uba la ïohpdiang san hajar tylli ki sbai u la leit shisyndon bad u la khaïi ïa la ka pisa bad u la ïohnong sa san hajar.

KI KAM 28:15

Ki parabangeit ha Rom ki la ïohsngew shaphang jong ngi bad ki la ïawan shaduh ki shnong jong ka Ïew u Appios bad ha ki Lai Ïingbasa ban ïakynduh ïa ngi. Haba u Paul u la ïohi ïa ki, u la ainguh ïa U Blei bad la pynshlur shikatdei eh ïa u.

DEUTERONOMI 27:15

“ ‘Ka jingtim U Blei kan hap ha uta u briew uba thaw durblei da u maw, da u dieng, lane da u nar bad uba mane ïa ka ha kaba rieh; U Trai u isih ïa ka jingmane bleithaw.’ “Bad u paidbah baroh un jubab lang, ‘Amen!’

1 PETROS 4:3

Phi la pynlut shibun ka por kaba la leit noh da kaba leh ïa kaei kaba ki bymngeit ki kwah ban leh. Ïa ka jingim jong phi la pynlut ha kaba im awria, jingkwah brai, jingdih buaid, jingleh jakhlia, ki jingïaleh-sngewbha buaid, bad ha ka jingmane ba-ijli ïa ki bleithaw.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.