2 KHRONIKL 15:7 - Khasi CL Bible (BSI)

⁷ Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

KA BAIBL

⁷ Hynrei, ma phi, to long khlaiñ, bad to wat pynjem ïa la ki kti: naba yn ai bainong ïa ka kam jong phi.”

2 KHRONIKL 15:7 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

2 KHRONIKL 32:7

U ong ha ki, “To long kiba kut jingmut bad kiba sngewskhem, bad wat sheptieng ïa u patsha ki nong Assyria lane ïa ka kynhun shipai kaba u ïalam. Ngi don kham bun ka bor ha ka liang jong ngi ban ïa kaba u don ha ka liang jong u.

SALM 19:11

Ki ai jingtip ïa nga, u shakri jong me; la ainong ïa nga namar ka jingkohnguh ïa ki.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

SALM 58:11

Ki briew kin ong, “Kiba hok da shisha ki la ïoh ïa ka bainong; da shisha don U Blei uba bishar ïa ka pyrthei.”

JEREMAÏAH 31:16

To sngap noh na ka jingïam jong phi bad to ñiad noh ïa ki ummat jong phi. Baroh kiba phi la leh na ka bynta ki khun jong phi kin ym long lehnoh-ei; kin wan phai pat na ka ri u nongshun.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

MATHAÏOS 5:46

Balei U Blei un ainong ïa phi lada phi ieit tang ïa ki briew kiba ieit ïa phi? Wat ki nonglum khajna ki leh ïa kata!

MATHAÏOS 6:1

“Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

MATHAÏOS 6:18

khnang ba kiwei kin ym tip ba phi shahjingit — tang U Kpa jong phi, ïa uba ym lah ban ïohi, un tip. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:4

Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:6

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

1 KORINTH 3:14

Lada kaei kaba la tei ha ka nongrim kam ing ha ka ding, u nongtei un ïohpdiang ïa ka bainong.

1 KORINTH 3:8

Ym don jingïapher hapdeng u briew uba bet bad u briew uba ai um; U Blei un ai bainong ïa uwei pa uwei kat kum ka kam kaba u la leh.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

KOLOSSAI 3:24

Kynmaw ba U Trai un ai ha phi kum ka bainong ïa kaei kaba u la buh na ka bynta ki briew jong u. Naba U Khrist u dei U Kynrad bashisha uba phi shakri.

HEBRU 10:35

To wat duh noh ïa la ka jingshlur, te, namar ka wallam bad ka, ïa ka bainong kaba khraw.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 1:7

Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 14:14

Ka Hebron ka dang dei ka jong ki khun ki ksiew jong u Kaleb, u khun jong u Jephunneh u nong Kenis, namar ba u la kohnguh hok ïa U Trai, U Blei ki Israel.

2 ÏOANNIS 1:8

To phin sumar ïa lade, namarkata, khnang ba phin ym duh noh ïa kaei kaba ngi, ngi la trei, hynrei phin ïohpdiang ïa ka bainong kaba pura.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”