2 KHRONIKL 15:2 - Khasi CL Bible (BSI)

² U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

KA BAIBL

² bad u la leit mih noh ban tan ïa u Asa, bad u la ong ha u, “Ko Asa, bad phi baroh ki Judah bad ki Benjamin, to sngew ïa nga: U Trai u long ryngkat bad phi, katba phi long ryngkat bad u; bad lada phin wad ïa u, phin shem ïa u; hynrei, lada phin kyntait ïa u, u ruh un kyntait ïa phi.

2 KHRONIKL 15:2 ပူးပေါင်းရင်းမြစ်များ

1 SYIEM 11:25

U dei u nongshun jong ki Israel baroh shi lynter jingim u Solomon.

1 SYIEM 18:18

“Ngam dei u nongthaw jingkulmar,” u Elijah u la jubab. “Dei ma phi — ma phi bad u kpa jong phi. Phim shym la kohnguh ïa ki hukum U Trai bad phi mane ïa ki bleithaw u Baal.

2 SYIEM 21:14

Ngan iehnoh ïa ki briew kiba lait im bad aiti ïa ki ha ki nongshun jong ki, ki ban jop ïa ki bad lute ïa ka ri jong ki.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 11:12

bad ruh ïa ki stieh bad ki sum. Da kumta u ïohbat ïa ki Judah bad ki Benjamin hapoh ka jingkdup jong u.

2 KHRONIKL 12:5

U Shemaïah u nongïathuhlypa u leit sha u syiem Rehoboam bad ki nongïalam jong ka Judia kiba la ïalumlang ha Jerusalem ban lait im na u Shishak. U ong ïa ki, “Kane ka dei ka khubor na U Trai ïa phi: ‘Phi la iehnoh ïa nga, te mynta nga la iehnoh ïa phi sha u Shishak.’”

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 13:4

Ki kynhun shipai ki ïakynduh ha ri lum Ephraim. U syiem Abijah u kiew sha u lum Semaraim bad u pyrta sha u Jeroboam bad ki Israel: “Shahshkor ïa nga!” u ong.

2 KHRONIKL 15:15

Baroh ki paid ka Judah ki la kmen namar ki la pynlong ïa kane ka jutang da ka dohnud baroh. Ki shem sngewbha ha ka jingmane ïa U Trai, bad u pdiang ïa ki bad u ai ha ki ka jingsuk na ki liang baroh.

2 KHRONIKL 15:4

Hynrei haba ka jingjynjar ka wan, ki phai sha U Trai, U Blei ki Israel. Ki la wad ïa u bad shem ïa u.

2 KHRONIKL 20:15

U Jahasiel u ong, “Ko syiem bad baroh ma phi u paid Judah bad Jerusalem, U Trai u ong ba phim dei ban rit mynsiem ne sheptieng ban ïeng pyrshah ïa kane ka kynhun shipai ba bun paid. Ka thma ka shong ha U Blei, ym ha phi.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

2 KHRONIKL 24:20

Nangta U Mynsiem U Blei u wan ha u Sekharaïah u khun jong u Jehoïada u lyngdoh. U la ïeng ha ka jaka ba ki briew ki lah ban ïohi ïa u, bad u pyrta, “U Trai U Blei u kylli balei ba phim shym kohnguh ïa ki hukum jong u bad ba phi wallam ka jingpynjot halor lade hi! Phi la iehnoh ïa u, kumta u la iehnoh ïa phi!”

2 KHRONIKL 26:5

Katba u Sekharaïah u nongaibuit jong u ha kaba ïadei bad ka niam u dang im; u la shakri hok ïa U Trai bad U Blei u la kyrkhu ïa u.

2 KHRONIKL 32:8

U don ka bor briew, hynrei ngi don U Trai U Blei jong ngi u ban ïarap ïa ngi ban ïaleh ïa ki thma jong ngi.” Ki briew ki ïoh ïa ka jingpynshlur da kine ki ktien jong u syiem jong ki.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

2 KHRONIKL 34:3

Ha ka snem kaba phra ba u Josaïah u long syiem, haba u dang khynnah bha, u sdang ban mane ïa U Blei jong u syiem Dabid u kpa tymmen jong u. Saw snem hadien u sdang ban pynjot ïa ki jaka mane blei thala, ki dur jong ka blei Asherah, bad baroh kiwei de ki bleithaw.

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

SALM 34:4

Nga la duwai ha U Trai, bad u la jubab ïa nga, u la pyllait ïa nga na ki jingsheptieng jong nga baroh.

SALM 53:2

U Blei u jngoh na bneng ïa u khunbynriew ban khmih lada don mano mano bastad, bad ba mane ïa U.

ISAÏAH 45:19

Ngam shym la kren ha kaba rieh lane buhrieh ïa ka jingthmu jong nga. Ngam shym la dawa na u paid Israel ban khmih ïa nga ha ka jaka ba la iehnoh suda. Nga long U Trai, bad nga kren ïa ka jingshisha; nga pynlong ban tip ïa kaei kaba dei.”

ISAÏAH 51:1

U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

ISAÏAH 7:13

U Isaïah u jubab ïa kata, “To shahshkor, mynta, ko ki khun ki ksiew jong u Syiem Dabid. Ka long kaba sniew eh ïa phi ban pynthait ïa ka jingïaishah jong ki briew — hato phi donkam ruh ban pynthait ïa ka jingïaishah ka jong U Blei?

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

AMOS 5:14

Pynlong ïa ka jingthmu jong phi ban leh ïa kaei kaba bha, bad ym ïa kaei kaba sniew, khnang ba phin ïoh im. Te U Trai, U Blei Badonbor Baroh, da shisha un don ryngkat bad phi, kumba phi kam ba u long.

SEKHARAÏAH 1:3

hynrei mynta nga ong ha phi, ‘To wan phai sha nga bad ngan wan phai sha phi.

JINGKHEIÑ 14:42

Wat leit. U Trai um don lem bad phi, bad ki nongshun jong phi kin jop ïa phi.

JINGKHEIÑ 14:43

Haba phi ïakhun ïa ki Amalek bad ki Kanaan, phin ïap ha ka thma; U Trai un ym don lem bad phi, namar phi la kyntait ban bud ïa u.”

MATHAÏOS 13:9

Bad U Jisu u la pynkut, “To shahshkor, te, lada phi don ki shkor!”

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

JOSHUA 22:31

U Phinehas, u khun jong u Eleasar u lyngdoh, u ong ha ki, “Mynta ngi tip ba U Trai u don bad ngi. Phim shym la ïaleh pyrshah ïa u, bad kumta phi la pynim ïa ki paid Israel na ka jingpynshitom jong U Trai.”

JOSHUA 24:20

Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 3:13

“Te lada pha don ki shkor, shahshkor ïa kaei kaba U Mynsiem u ong ïa ki balang!

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”

JINGPYNPAW 3:6

“Te lada pha don ki shkor, shahshkor ïa kaei kaba U Mynsiem u ong ha ki balang!

NONGBISHAR 10:13

Pynban phi dang iehnoh ïa nga bad mane ïa kiwei pat ki blei; kumta ngan ym pyllait ïa phi sa shisien pat.

NONGBISHAR 9:7

Haba u Jotham u tip ïa kane, u leit bad u ïeng ha kliar u Lum Gerisim, bad u pyrta jam sha ki, “Shahshkor ïa nga, phi ki rangbah ka Shekhem, bad U Blei u lah ban sngap ïa phi!

1 SAMUEL 12:14

Lada phi tiengburom ïa U Trai, phi shakri ïa u, phi shahshkor ïa u, bad phi kohnguh ïa ki hukum jong u, bad lada ma phi bad u syiem uba synshar ïa phi, phi bud ïa U Trai U Blei jong phi, baroh kan manbha bad phi.

1 SAMUEL 12:15

Hynrei lada phim shahshkor ïa U Trai bad phim kohnguh ïa ki hukum jong u, un long pyrshah ïa phi bad ïa u syiem jong phi.