2 KHRONIKL 14:3 - Khasi CL Bible (BSI)

³ U weng noh ïa ki duwan nongwei bad ïa ki jaka mane blei thala, u pynpra ïa ki rishot maw bakyntang, bad u ot noh ïa ki dur jong ka blei Asherah.

KA BAIBL

³ namar u la pynduh noh ïa ki duwan bakhyllah, bad ïa ki jaka bajrong, bad u la pynkyllon ïa ki mawbynna, bad u la khet noh ïa ki Asherah;

2 KHRONIKL 14:3 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

2 SYIEM 18:4

U pynjot ïa ki jaka mane blei thala, u pynpra ïa ki païa maw, bad u pyndkut ïa ki durblei jong ka blei Asherah. U pynpra ruh lyngkhot lyngkhai ïa u bseiñ rnong ïa uba u Moses u la shna, ïa uba la khot Nehushtan. Haduh kata ka por ki paid Israel ki la thang jingiwbih na ka bynta ka burom jong u.

2 SYIEM 23:14

U syiem Josaïah u la pynpait lyngkhot lyngkhai ïa ki rishot maw, u ot lyngkhot ïa ki dur jong ka blei Asherah, bad ïa ka jaka ha kiba ki ïeng u la tap da ki shyieng briew.

2 SYIEM 23:6

U weng noh na ka Templ ïa ka dur jong ka blei Asherah, bad rah ïa ka shabar ka nongbah sha ka Them Kidron, u thang ïa ka, u pynlwet phum ïa u dpei jong ka, bad pynsaphred ïa ka ha jingtep paidbah.

2 KHRONIKL 14:2

U Asa u pynsngewbha ïa U Trai, U Blei jong u, da kaba leh ïa kaei kaba dei bad kaba bha.

2 KHRONIKL 14:4

U hukum ïa ki paid ka Judah ban leh ïa ka mon jong U Trai, U Blei jong ki kpa tymmen jong ki, bad ban kohnguh ïa ki jinghikai bad hukum jong u.

2 KHRONIKL 15:17

Wat la u Asa um shym pynjot ïa baroh ki jaka mane blei thala ha ka ri, u ïailong uba ïaineh ha U Trai shi lynter ka jingim jong u.

2 KHRONIKL 33:16

U tei pynbha ïa ka duwan ha kaba ïa U Trai la mane, bad u kñia ïa ki jingainguh ïasyllok bad ki jingainguh thang ha ka. U hukum ïa ki paid Judah baroh ban mane ïa U Trai, U Blei ki Israel.

2 KHRONIKL 34:4

Hapoh ka jingbthah jong u ïa ki duwan ha kaba la mane ïa u Baal la pynpra, bad ïa ki duwan jingiwbih hajan jong ki la pyntwa. Ki pynlwet kum ki pui pui ïa ki dur ka Asherah bad ïa kiwei ki bleithaw baroh bad nangta ki bret ïa u pui pui ha ki jingtep jong ki briew kiba la ai jingkñia ïa lade ha ki.

EKSODOS 34:13

Pynban, pynpra ïa ki duwan jong ki, pynjot ïa ki rishot kyntang jong ki, bad pom pynduh ïa ki shab jong ka Asherah, ka blei jong ki.

LEBITIKOS 26:30

Ngan pynjot ïa ki jaka mane blei jong phi kiba ha ki lum, ngan pynpra ïa ki duwan thang jingiwbih jong phi, bad ngan bret ïa ki metïap jong phi halor ki bleithaw jong phi kiba la kyllon.

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

DEUTERONOMI 7:5

Kumta, pynpra ïa ki duwan jong ki, pynpait pharia ïa ki rishot mawkyntang jong ki, mait ïa ki dak ka blei Asherah jong ki, bad thang ïa ki bleithaw jong ki.