2 KHRONIKL 13:9 - Khasi CL Bible (BSI)

⁹ Phi beh noh shabar ïa ki lyngdoh ki jong U Trai, ki khun ki ksiew jong u Aaron, bad phi beh noh ïa ki Lebi. Ha ka jaka jong ki phi la thung ïa ki lyngdoh ha kajuh ka rukom ba kiwei ki jaitbynriew ki leh. Uno uno uba wanrah lang bad u masi ne hynñiew tylli ki langbrot u lah ban ïoh pynkyntang kum u lyngdoh jong kito kiba shu khot ki blei jong phi.

KA BAIBL

⁹ Phi la beh noh ne em ïa ki lyngdoh U Trai, ki khun u Aaron, bad ïa ki Lebi ruh de, bad phi la thung lyngdoh ïa lade katba kum ka rukom ki kynja bynriew ha kiwei pat ki ri? kumta ba uno uno u ban shu wan pynkyntang ïa lade da u masi lyngraw bad da ki hynñiew ki langbrot shynrang, uta keiñ, u lah ban long lyngdoh jong kita ki bymlong ki blei satia.

2 KHRONIKL 13:9 ပူးပေါင်းရင်းမြစ်များ

1 SYIEM 13:33

U syiem Jeroboam jong ka Israel um shym phai noh na ki lynti bymman jong u, hynrei u ïai jied ïa ki lyngdoh napdeng ki longïing riewpaidbah ban shakri ha ki duwan kiba u la tei. U pynkyntang kum u lyngdoh ïa uno uno kat uba kwah ban long u lyngdoh.

2 SYIEM 19:18

bad thang ïa ki blei — ki bym long da shisha ki blei, tang ki dur da ka dieng bad u maw ba la thaw da ki kti ki briew.

1 KHRONIKL 29:5

bad na ka bynta ki tiar ki tar baroh kiba ki nong-ohdur ki dei ban shna. Mynta mano pat ba mon ban ai kylluid mynsiem sha U Trai?”

2 KHRONIKL 13:10

“Hynrei ngi pat ngi dang ïai shakri ïa U Trai U Blei jong ngi bad ngim shym pat iehnoh ïa u. Ki lyngdoh kiba hiarpateng na u Aaron ki pyndep ïa ki kamram jong ki, bad ki Lebi ki ïarap lem ïa ki.

2 KHRONIKL 29:31

U Hesekaïah u ong ïa ki briew, “Mynta phi long kiba khuid kat kum ka jinglehniam, to wallam ïa ki jingkñia kum ki jingai jingainguh sha U Trai.” Ki la kohnguh bad katto katne na ki da ka mon sngewbha ki wallam ïa ki jingri ban kñia kum ka jingainguh thang.

EKSODOS 29:1

“Kane ka long kaba me dei ban leh ïa u Aaron bad ki khun shynrang jong u ban pynkyntang ïa ki kum ki lyngdoh ki ban shakri ïa nga. Shim uwei u masi lyngraw bad ar tylli ki langbrot shynrang ki bym don jingduna.

EKSODOS 29:29

“Ynda la ïap u Aaron, ïa ki jaiñphong lyngdoh jong u dei ban aiti ha ki khun shynrang jong u ba kin phong ha ka por ba pynkyntang ïa ki.

EKSODOS 29:35

“Leh ïa ki jinglehniam ka jingpynkyntang ïa u Aaron bad ki khun shynrang jong u hynñiew sngi lynter kumba nga la hukum ïa me.

EKSODOS 32:29

U Moses u la ong ha ki Lebi, “Mynta ka sngi phi la pynkyntang ïa lade kum ki lyngdoh ha ka jingshakri ïa U Trai da kaba pynïap ïa la ki khun shynrang bad ïa ki hynmen ki para shynrang, kumta U Trai u la ai ha phi ïa ki jingkyrkhu jong u.”

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

LEBITIKOS 16:32

U Rangbah Lyngdoh, ïa uba la pynkupbor bad pynkyntang kum u lyngdoh ha ka jaka u kpa jong u, u dei ban pyndep ïa ka rukom lehniam kaba ïadei bad ka jingpynkhuid. U dei ban da phong ïa ki jaiñkup lyngdoh,

LEBITIKOS 8:2

“Ïalam ïa u Aaron bad ki khun shynrang jong u sha khmat ka jingkhang jong ka Ïingjaiñ ka Jingdon Ryngkat jong nga bad wanrah ïa ki jaiñkup lyngdoh, ka umphniang pynsleh, u masi lyngraw ban long ka jingkñia namar ka pop, ar tylli ki blang shynrang, bad ka shang ba buh ïa u kpu bakhlem thiat.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.

GALATIA 4:8

Ha ka por ba la leit phim shym la ithuh ïa U Blei, kumta phi long ki mraw jong ki jingthaw ki bym dei ki blei.

DEUTERONOMI 32:17

Ki kñia ha ki blei ki bym dei shisha ki blei, ha ki blei thymmai kiba ki kpa tymmen jong ki kim ju tip, ki blei kiba ki Israel kim ju kohnguh.