2 KHRONIKL 13:8 - Khasi CL Bible (BSI)

⁸ Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

KA BAIBL

⁸ “Hynrei, mynta, phi mut ban ïaleh ïa ka hima U Trai ha ka kti ki khun u Dabid; bad phi long u paidbah byllien, bad phi don ryngkat bad phi ruh ki khun masi ksiar ïa kiba u Jeroboam u la thaw ha phi ban long ki blei.

2 KHRONIKL 13:8 ပူးပေါင်းရင်းမြစ်များ

1 SYIEM 12:28

Hadien ba u la pyrkhat bha, u shna ar tylli ki khun masi kiba da ka ksiar bad u ong ha ki briew jong u, “Phi la hap ïaleit mane jngai palat shaduh Jerusalem. Ko ki paid Israel, khmih kine ki blei kiba la wanlam ïa phi na ka ri Ijipt!”

1 SYIEM 12:29

U buh ïa uwei u khun masi ksiar ha Bethel bad ïa uwei pat ha Dan.

1 SYIEM 14:9

Me la leh ïa ki pop kiba khraw palat liam ban ïa kito kiba la synshar ha shuwa jong me. Me la kyntait ïa nga bad me la pynbitar lep ïa nga da kaba me thaw ïa ki bleithaw bad ki dur ba la shu saiñ ban mane.

2 KHRONIKL 11:15

U Jeroboam u thung la ki jong ki lyngdoh ban shakri ha ki jaka mane blei thala bad ban mane ïa ki ksuid bad u thaw ïa ki bleithaw ha ki dur jong ki khun masi.

2 KHRONIKL 20:12

Me long U Blei jong ngi! Pynshitom ïa ki, naba ngim lah leh ei ei ruh em ha khmat jong kane ka kynhun shipai babun paid kaba tur ïaleh ïa ngi. Ngim tip kumno ngin leh, hynrei ngi phai sha me na ka bynta ka jingïarap.”

2 KHRONIKL 20:6

“A Trai U Blei jong ki kpa tymmen jong ngi, me synshar ha bneng halor ki jaitbynriew baroh jong ka pyrthei. Me long uba donbor bad uba khrawbor, bad ym don ba lah ban pyrshah ïa me.

2 KHRONIKL 9:8

Ïaroh ïa U Trai U Blei jong phi! U la pynpaw kaba katno u sngewbha ïa phi da kaba pynlong ïa phi u syiem u ban synshar ha ka kyrteng jong u. Namar ba u ieit ïa ki briew jong u, ki Israel, bad u kwah ban pynneh ïa ki junom, u la pynlong ïa phi u syiem jong ki khnang ban pynneh ïa ka hukum bad ka jingbishar hok.”

SALM 33:16

U syiem um shym jop namar ka kynhun shipai badonbor jong u; u shipai um shym jop namar ka jingkhlaiñ jong u.

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”