2 KHRONIKL 13:12 - Khasi CL Bible (BSI)

¹² U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

KA BAIBL

¹² Te ha khmih, U Blei hi u long ryngkat bad ngi, ban ïalam ïa ngi, bad ki lyngdoh jong u ruh lem bad ki turoi ka jingmaham ban put ka jingmaham pyrshah ïa phi. A phi ki khun Israel, wat ïaleh pyrshah ïa U Trai, U Blei ki kpa jong phi; namar phin ym lah.”

2 KHRONIKL 13:12 ပူးပေါင်းရင်းမြစ်များ

2 KHRONIKL 24:20

Nangta U Mynsiem U Blei u wan ha u Sekharaïah u khun jong u Jehoïada u lyngdoh. U la ïeng ha ka jaka ba ki briew ki lah ban ïohi ïa u, bad u pyrta, “U Trai U Blei u kylli balei ba phim shym kohnguh ïa ki hukum jong u bad ba phi wallam ka jingpynjot halor lade hi! Phi la iehnoh ïa u, kumta u la iehnoh ïa phi!”

2 KHRONIKL 32:8

U don ka bor briew, hynrei ngi don U Trai U Blei jong ngi u ban ïarap ïa ngi ban ïaleh ïa ki thma jong ngi.” Ki briew ki ïoh ïa ka jingpynshlur da kine ki ktien jong u syiem jong ki.

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 45:9

Hato u khiew khyndew un nud ban ïatainia bad u nongthaw jong u, u khiew uba long kum baroh kiwei pat? Hato ka dewbyrtha kan ong ïa u nongthaw khiew kaei ba u leh? Hato u khiew un mudui ïa la u nongthaw khiew ba um don jingtbit?

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 2:37

Phin phai noh na ka Ijipt, da kaba sdien ïa ka khlieh jong phi ha ka jinglehrain. Ma nga, U Trai nga la kyntait ïa kito kiba phi la shaniah; phin ym ïoh kano kano ka jingmyntoi na ki.”

JEREMAÏAH 50:24

Ko Babilonia, pha ïaleh pyrshah ïa nga, bad pha la shah riam ha ka jingriam kaba nga la buh ïa pha, wat la pham shym la tip ïa ka.

ESEKIEL 17:9

“Kumta ma nga, U Trai Nongsynshar, nga kylli: Hato une u dieng sohwaiñ un im bad san? Hato u pukni uba nyngkong un ym rat ïa u na ki thied, phut noh ïa ki sohwaiñ, bad pynkheiñ ïa ki tnat bad shah ïa ki ban ïapstai? Kam da shim shibun eh ka jingkhlaiñ lane ka hima bakhlaiñbor ban rat ïa ka.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

JINGKHEIÑ 14:41

Hynrei u Moses u ong, “Te balei phi dang ïaleh pyrshah ïa U Trai mynta? Phin ym jop!

JINGKHEIÑ 23:21

Nga ïohi lypa ïa ka lawei jong ki Israel, Kan ym don ka jingkordit ne jinglanot ïa ki. U Trai U Blei jong ki u don ryngkat bad ki, Ki pynbna ba ma u, u long u syiem jong ki.

JINGKHEIÑ 31:6

U Moses u la phah ïa ki sha ka thma ha ka jingïalam u Phinehas u khun jong u Eleasar u lyngdoh, uba khmih ïa ki tiar kiba kyntang bad ïa ki turoi ban ai dak ha ka thma.

KI KAM 5:39

hynrei lada ka wan na U Blei, phim lah ban jop ïa ki. Phi lah ban shem ïa lade kiba ïaleh pyrshah ïa U Blei!” Ka Dorbar ka la kohnguh ïa ka jingai jingmut jong u Gamaliel.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

DEUTERONOMI 28:29

Phin shu tare ruma mynsngi kum u matlah, bad phin ym lap lynti. Kat kaba phi leh kan pulom. Phin shah lehbeiñ bad shah lute man ka por, bad yn ym don ba ïarap ïa phi.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.