2 KHRONIKL 12:5 - Khasi CL Bible (BSI)

⁵ U Shemaïah u nongïathuhlypa u leit sha u syiem Rehoboam bad ki nongïalam jong ka Judia kiba la ïalumlang ha Jerusalem ban lait im na u Shishak. U ong ïa ki, “Kane ka dei ka khubor na U Trai ïa phi: ‘Phi la iehnoh ïa nga, te mynta nga la iehnoh ïa phi sha u Shishak.’”

KA BAIBL

⁵ Te u Shemaïah u nongïathuhlypa u la wan ha u Rehoboam, bad ha ki rangbah Judah, kiba la ïalum lang ha Jerusalem namar u Shishak, bad u la ong ha ki, “Kumne u ong U Trai, Phi la kyntait ïa nga, namar kata, nga la iehnoh ïa phi ha ka kti u Shishak.”

2 KHRONIKL 12:5 ပူးပေါင်းရင်းမြစ်များ

2 SAMUEL 24:14

U Dabid u jubab, “Nga don ha ka khim khait! Hynrei ngam kwah ba ngan shah pynshitom ha ki briew. Ai ba U Trai da lade hi un dei uta u ban pynshitom ïa ngi, namar u long uba dap da ka jingisynei.”

1 SYIEM 12:22

Hynrei U Blei u kren ha u Shemaïah u nongïathuhlypa

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 11:2

Hynrei U Trai u ong ïa Shemaïah u nongïathuhlypa

2 KHRONIKL 12:15

Ïa ki kam jong u Rehoboam naduh kaba sdang haduh kaba kut bad ki jinglum jingthoh ïa ka longïing jong u la buh jingthoh ha Ka Histori jong u Shemaïah u Nongïathuhlypa bad ha Ka Histori jong u Iddo u Nongïathuhlypa. U Rehoboam bad u Jeroboam ki ïai ïaleh thma uwei ïa uwei pat.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 24:20

Nangta U Mynsiem U Blei u wan ha u Sekharaïah u khun jong u Jehoïada u lyngdoh. U la ïeng ha ka jaka ba ki briew ki lah ban ïohi ïa u, bad u pyrta, “U Trai U Blei u kylli balei ba phim shym kohnguh ïa ki hukum jong u bad ba phi wallam ka jingpynjot halor lade hi! Phi la iehnoh ïa u, kumta u la iehnoh ïa phi!”

SALM 37:33

hynrei U Trai un ym iehnoh ïa u ha ka bor u nongshun jong u, lane un ym shah ba yn rai pynrem ïa u haba la tian bishar ïa u.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 5:19

Haba ki kylli balei ba nga la leh ïa kine kiei kiei, ïathuh ïa ki, ko Jeremaïah, ba kumba ki la phai noh na nga bad shakri ïa ki blei nongwei ha ka ri jong ki hi, kumta kin shakri ïa ki nongwei ha ka ri ka bym dei ka jong ki.”