2 KHRONIKL 12:3 - Khasi CL Bible (BSI)

³ U Shishak u syiem ka Ijipt u tur ïaleh ïa ka Jerusalem bad ka kynhun shipai kaba shihajar arspah tylli ki kali ïapom, hynriewphew hajar ngut ki shipai shong kulai, bad shibun ki shipai ban ïa kaba lah ban ïa kaba lah ban ñiew, kaba kynthup ïa ki nong Libya, ki Sukki, bad ki kynhun Sudan.

KA BAIBL

³ bad khat-ar spah ki kali, bad hynriewphew hajar ki nongshong kulai: bad uta u paidbah uba la wan lem bad u na ri Ijipt u bym lah ñiew shuh; ki Lubi, ki Sukki, bad ki nong Ethiopia.

2 KHRONIKL 12:3 ပူးပေါင်းရင်းမြစ်များ

2 SAMUEL 10:18

bad ki Israel ki la pynher krad ïa ka kynhun shipai Syria. U Dabid lem bad ki rangbah jong u ki la pynïap hynñiewspah ngut ki nongñiah kali ïapom bad sawphew hajar ngut ki shipai shong kulai, bad ki la pynmynsaw ïa u Shobakh, u rangbah ai hukum jong u nongshun, uba la ïap ha ka madan thma.

2 SYIEM 7:6

U Trai u la pynlong ïa ki Syria ban ïohsngew ïa ka jingsawa kum ka jingwan jong ki shipai babun, lem bad ki kulai bad ki kali ïapom, bad ki Syria ki la pyrkhat ba u syiem ka Israel u la khot nong ïa ki syiem Hit bad Ijipt bad ïa ki kynhun shipai jong ki ban wan tur ïaleh ïa ki.

2 KHRONIKL 14:12

U Trai u jop ïa ka kynhun shipai Sudan mynba u Asa bad ki kynhun shipai jong ka Judia ki tur ïaleh ïa ki.

2 KHRONIKL 14:8

U syiem Asa u don ka kynhun shipai kaba lai lakh ngut ki rangbah na Judah, kiba kieng atiar da ki stieh bad ki sum, bad ar lakh phraphew ngut ki rangbah na Benjamin, kiba kieng atiar da ki stieh bad ki ryntieh. Baroh na ki, ki long kiba shlur, ki rangbah ba la pyntbit bha.

2 KHRONIKL 14:9

U nong Sudan uba kyrteng u Serah u tur ïaleh ïa ka Judah ryngkat bad ka kynhun shipai kaba don shi million ki rangbah bad laispah tylli ki kali ïapom bad ki tur shaphrang haduh Mareshah.

2 KHRONIKL 16:8

Hato ki Sudan bad ki Libya kim don ki kynhun shipai baheh paid ryngkat bad ki kali ïapom bad ki nongshong kulai? Hynrei namar ba me la shaniah ha U Trai, u la ai ka jingjop ïa me halor jong ki.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

ESEKIEL 30:5

“Kata ka thma kan pynïap ruh ïa ki shipai kiba la shu wai na Sudan, Lydia, Libya, Arabia, Kub, bad wat napdeng ki briew jong nga hi.”

DANIEL 11:43

Un shim noh ïa ki jingkynshew ksiar bad rupa ba la buhrieh jong ka Ijipt bad ïa kiwei kiwei ki jingdon jingem jong ka kiba la ñiewkordor eh. Un hiarthma ïa ka Libya bad ka Sudan.

NAHUM 3:9

Ka la synshar ïa ka Sudan bad ïa ka Ijipt, ym don pud ïa ka bor jong ka; ka Libya ka la long ka paralok jong ka.

JINGPYNPAW 9:16

La ïathuh ïa nga ïa ka jingdon jong ki shipai shong kulai: Ki la long arphew lakh ngut.

NONGBISHAR 4:13

u la khot ïa ki khyndaispah tylli ki kali ïapom kiba da ka nar bad ïa ki rangbah jong u baroh, bad u la phah ïa ki na Harosheth-jong-ki-Jentil sha ka wah Kishon.

NONGBISHAR 6:5

Ki wan lem bad la ki jingri bad ki dara kumba rben ki kynhun puit. Ma ki lem bad ki ut jong ki, ki bun haduh katta katta ba ym lah ñiew shuh ïa ki. Ki wan bad pynjot thiaw ïa ka ri,

1 SAMUEL 13:5

Ki Philistia ki ïalumlang ban ïaleh ïa ki Israel; ki don laiphew hajar tylli ki kali thma, hynriew hajar ngut ki shipai shong kulai, bad ki shipai kiba bun kat u shyiap harud duriaw. Ki leit sha Mikhmash, kaba sha mihngi na Bethaben bad ki sher dara hangta.