2 KHRONIKL 12:2 - Khasi CL Bible (BSI)

² Ha ka snem kaba san jong ka jingsynshar jong u ïa ka jingbymïaineh jong ki ha U Trai la pynshitom.

KA BAIBL

² Te ha ka snem ka basan jong u syiem Rehoboam, u Shishak u syiem ka Ijipt u la wan kiew ban ïaleh ïa ka Jerusalem, namar ba ki la leh palat ïa U Trai,

2 KHRONIKL 12:2 ပူးပေါင်းရင်းမြစ်များ

1 SYIEM 11:40

Bad kumta u Solomon u pyrshang ban pynïap ïa u Jeroboam; hynrei u phet ïap sha u Shishak u syiem ka Ijipt bad u la sah hangta haduh ka jingïap u Solomon.

2 SYIEM 7:6

U Trai u la pynlong ïa ki Syria ban ïohsngew ïa ka jingsawa kum ka jingwan jong ki shipai babun, lem bad ki kulai bad ki kali ïapom, bad ki Syria ki la pyrkhat ba u syiem ka Israel u la khot nong ïa ki syiem Hit bad Ijipt bad ïa ki kynhun shipai jong ki ban wan tur ïaleh ïa ki.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 14:8

U syiem Asa u don ka kynhun shipai kaba lai lakh ngut ki rangbah na Judah, kiba kieng atiar da ki stieh bad ki sum, bad ar lakh phraphew ngut ki rangbah na Benjamin, kiba kieng atiar da ki stieh bad ki ryntieh. Baroh na ki, ki long kiba shlur, ki rangbah ba la pyntbit bha.

2 KHRONIKL 14:9

U nong Sudan uba kyrteng u Serah u tur ïaleh ïa ka Judah ryngkat bad ka kynhun shipai kaba don shi million ki rangbah bad laispah tylli ki kali ïapom bad ki tur shaphrang haduh Mareshah.

2 KHRONIKL 24:18

Kumta ki paidbah ki sangeh noh ban mane ha ka Templ jong U Trai, U Blei jong ki kpa tymmen jong ki, bad ki sdang ban mane ïa ki bleithaw bad ïa ki dur jong ka blei Asherah. Ka jingrem jong ki namar kine ki pop ka la wallam ïa ka jingbitar U Trai halor ka ha Judah bad ka Jerusalem.

ISAÏAH 18:2

Na kata ka ri, ki nongkit 'tiensyiem ki la wan arsut ïa ka Nile ha ki lieng ba la shna da ki khah. Khie noh sha ïing, ko nonglamktien bastet! Rah noh ïa ka khubor sha ka ri jong phi kaba la pynïakhlad ïa ki wah, sha ka jaitbynriew jong phi kaba khlaiñ bad kaba donbor, sha ki briew jong phi kiba jrong bad kiba jlih ka sniehdoh, ïa kiba la sheptieng ha kylleng ka pyrthei baroh.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

SNGEWSYNEI 5:15

Ka jingkmen ka la duh noh na ki jingim jong ngi; ka jingsngewsih ka la shim ïa ka jaka jong ki jingshad jong ngi.