2 KHRONIKL 1:11 - Khasi CL Bible (BSI)

¹¹ U Blei u jubab ïa u Solomon, “Me la jied ïa kaba dei. Ha ka jaka ka jingpan ïa ka spah lane ka jingkynshew lane ka nam lane ka jingïap jong ki nongshun jong me lane wat ka jingjlan jong ka jingim jong me, me la pan ïa ka jingstad bad ka jingtip khnang ba me lah ban synshar ïa ki briew jong nga, kiba halor jong ki nga la thung syiem ïa me.

KA BAIBL

¹¹ Te U Blei u la ong ha u Solomon, “Namar ba kane ka la don ha ka dohnud jong me, bad ba mem shym la pan ïa ka spah, ka jingdon, lane ïa ka burom, lymne ïa ka jingim jong kita kiba shun ïa me, lymne mem shym la pan ruh ïa ka ban im slem: hynrei, me la pan ïa ka jingstad bad ïa ka jingtip na ka bynta ïa lade hi, ba me lah ban bishar ïa u paidlang jong nga, halor uba nga la pynlong syiem ïa me:

2 KHRONIKL 1:11 ပူးပေါင်းရင်းမြစ်များ

1 SYIEM 10:24

bad ka pyrthei baroh kawei ka kwah ban wan bad sngap ïa ka jingstad ba U Blei u la ai ha u.

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 SYIEM 8:18

hynrei U Trai u la ong ha u, ‘Me la leh ïa kaba dei ba me kwah ban tei ïa ka Templ ïa nga,

1 KHRONIKL 28:2

U Dabid u ïeng ha khmat jong ki, bad u ong, “Ko ki para ri jong nga, to shahshkor ïa nga. Nga la kwah ban tei ka ïingshong neh ïa ka Synduk ka Jutang, ka jingïuhkjat jong U Trai U Blei jong ngi. Nga la pynkhreh ban tei ïa ka Templ ban ai burom ïa u,

2 KHRONIKL 1:12

Ngan ai ha me ïa kata ka jingstad bad ka jingtip. Nalor kata, ngan ai ruh ha me bun ka spah, ka jingkynshew, bad ka nam ban ïa uno uno u syiem uba la ju ïoh mynshuwa lane un ïoh biang pat.”

PROBERB 14:8

Balei ba u briew uba sian u stad? Namar u tip ïa kaei ban leh. Balei ba u briew ba-mutlop u bieit? Namar ba u shu pyrkhat ba u tip.

PROBERB 23:7

“To wan bad bam shuh sa khyndiat,” u ong, hynrei um mut kumta. Kaei kaba u pyrkhat ka long kaei kaba u long da shisha.

PROBERB 8:15

Nga ïarap ïa ki syiem ban synshar, bad ki nongsynshar ban thaw ki aiñ kiba bha.

KI KAM 5:4

Ha shuwa ba men die ïa ka jaka, ka dei ka jong me; bad hadien ba me la die ïa ka, ka pisa ka la long ka jong me. Balei, te, ba me la kut jingmut ban leh ïa kane? Mem shym la shukor ïa ki briew — me la shukor ïa U Blei!”

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JAKOB 3:13

Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”