2 ÏOANNIS 1:3 - Khasi CL Bible (BSI)

³ To U Blei uba U Kpa bad U Jisu Khrist, U Khun jong U Kpa, un ai ha ngi ka jingaiei, ka jingisynei bad ka jingsuk; to ai ba kin long ki jong ngi ha ka jingshisha bad ka jingieit.

KA BAIBL

³ Kan long lem bad ngi ka jingaiei, ka jingisynei, bad ka jingsuk na U Blei uba U Kpa bad na U Jisu Khrist U Khun uta U Kpa, ha ka jingshisha bad ha ka jingieit.

2 ÏOANNIS 1:3 ပူးပေါင်းရင်းမြစ်များ

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

2 TIMOTHI 1:13

To batskhem ïa ki ktien bashisha kiba nga la hikai ïa me, kum ka nuksa ïa me ban bud, bad ban ïaisah ha ka jingngeit bad ka jingieit kiba long ki jong ngi ha U Khrist Jisu.

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.

2 ÏOANNIS 1:1

Na u Nongsharai Balang — Sha ka Kynthei badonburom bad sha ki khun jong ka, ïa kiba nga ieit da shisha. Bad ym dei tang ma nga hi, hynrei baroh kiba tip ïa ka jingshisha ki ieit ïa phi,