2 ÏOANNIS 1:1 - Khasi CL Bible (BSI)

¹ Na u Nongsharai Balang — Sha ka Kynthei badonburom bad sha ki khun jong ka, ïa kiba nga ieit da shisha. Bad ym dei tang ma nga hi, hynrei baroh kiba tip ïa ka jingshisha ki ieit ïa phi,

KA BAIBL

¹ Uta u tymmen basan, ha ka bakhraw batri ba la jied bad ha ki khun jong ka, ïa kiba nga ieit ha ka jingshisha (bad ym tang ma nga hi, hynrei, kita baroh ruh kiba la ithuh ïa ka jingshisha)

2 ÏOANNIS 1:1 ပူးပေါင်းရင်းမြစ်များ

LOUKAS 1:3

Bad kumta, ko rangbah badonburom, namar ba nga, nga pule bniah biang biang ïa kine kiei kiei baroh naduh ka jingsdang jong ki, nga la pyrkhat ba kan long kaba bha ban thoh ryntih ïa ka jingïathuh na ka bynta jong phi.

ÏOANNIS 8:32

phin tip ïa ka jingshisha, bad ka jingshisha kan pyllaitluid ïa phi.”

KI KAM 11:30

Te ki la leh ïa kane, bad ki la phah ïa ka pisa sha ki tymmen basan jong ka balang lyngba u Barnabas bad u Saul.

Ka Shithi U Paul Sha Ki Nong Rom 16:13

Nga phah ki jingkhublei ïa u Ruphos, u nongtrei bapawkhmat ha ka kam U Trai, bad ïa ka kmie jong u, kaba la ñiew ïa nga kum ïa u khun.

GALATIA 2:14

Haba nga la ïohi ba kim shym la ïaid ha ka lynti kaba beit jong ka jingshisha ka Gospel, nga la ong ïa u Petros ha khmat jong ki baroh, “Me dei u Jiw, pynban, me la im kum u Jentil, ym kum u Jiw. Kumno te, me lah ban pynbor ïa ki Jentil ban im kum ki Jiw?”

GALATIA 2:5

Ki da kwah ban pynlong mraw ïa ngi, hynrei khnang ban pynneh ïa ka jingshisha ka Gospel na ka bynta jong phi, ngim shym la ailad ïa ki wat tang shi minit ruh.

GALATIA 3:1

A phi ki nong Galatia kiba bieit! Uei uba la pynthame ïa phi? Ha khmat ki khmat jong phi hi la batai shai kdar ïa ka jingïap U Jisu Khrist halor ka diengphna!

GALATIA 5:7

Phi la lehbha katta katta! Uei uba la pynlong ïa phi ban sangeh ban kohnguh ïa ka jingshisha? Da kumno u la khroh ïa phi?

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 PETROS 5:13

Ka Balang kaba ha Babilon, ïa kaba la jied ruh da U Blei, ka phah ïa ki jingai khublei sha phi, bad kumjuh ruh u Markos u khun jong nga.

1 ÏOANNIS 2:21

Nga thoh sha phi, namarkata, ym namar ba phim tip ïa ka jingshisha; pynban, ka long namar ba phi da tip ïa ka, bad phi tip ruh ym don ka lamler kaba ju mihnoh na ka jingshisha.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.

2 ÏOANNIS 1:13

Ki khun jong ka Para ba-ieit jong phi ki phah ïa ka jingai khublei ïa phi.

2 ÏOANNIS 1:5

Bad kumta nga kyrpad ïa phi, ko Kynthei badonburom: To ai ba baroh ngin ïa-ieit iwei ïa iwei pat. Kane kam long ka hukum kaba thymmai kaba nga thoh sha phi; ka long ka hukum kaba ngi la don naduh mynnyngkong.

3 ÏOANNIS 1:1

Na u Nongsharai Balang — Ha u Gaïos ba-ieit jong nga, ïa uba nga ieit da shisha.