1 TIMOTHI 6:4 - Khasi CL Bible (BSI)

⁴ U don ka jingkwah kaba sniew ban ïoh ïasaidnia bad ïakajia shaphang ki ktien, bad kane ka wanrah ïa ka jingpihuiñ, ka jingïania, ka jingkrenbeiñ, ka jingsuba sniew, bad ka jingïai-ïasaidnia na ki briew kiba ki jingmut jong ki kim treikam bad ki bym don shuh ïa ka jingshisha.

KA BAIBL

⁴ la pynsarong eh ïa u, haba um tip ei ei ruh, hynrei, u da skuiñ shaphang ki jingïasaid bad ki jingïaleh ktien, na kiba ki mih ka jingbishni, ka jingïania, ki jingkrenbeiñ, ki jingtharai sniew,

1 TIMOTHI 6:4 ပူးပေါင်းရင်းမြစ်များ

PROBERB 13:7

Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

PROBERB 25:14

Ki briew kiba kular ïa kiei kiei kiba kim ju lah ban ai satia ki long kum ki lyoh bad ka lyer ki bym ai slap.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

ISAÏAH 58:4

Ka jingshah jingit jong phi ka pynlong ïa phi ban lehbor, bad phi ïakajia bad ïashoh. Phi pyrkhat ba kane ka rukom jingshah jingit kan pynlong ïa nga ban shahshkor ïa ki jingduwai jong phi?

KI KAM 15:2

U Paul bad u Barnabas ki la poi sha ka jingïasaid nia kaba jur bad ki shaphang kane, kumta la ïakut ba u Paul bad u Barnabas bad katto katne ngut kiwei pat ha Antiokh ki dei ban leit sha Jerusalem bad ïakynduh ïa ki apostol bad ki nongsharai balang shaphang kane ka kam.

KI KAM 18:15

Hynrei namar ba ka long ka jingïatainia shaphang ki ktien bad ki kyrteng bad shaphang ka hukum jong phi, phi hi phi dei ban ïapynbeit ïa ka. Ngan ym long u nongbishar ïa kine kiei kiei!”

KI KAM 8:9

U briew uba kyrteng u Simon u shong u sah hangta, uba shipor u la pynlyngngoh ïa ki nong Samaria da ka jingleh myntor jong u.

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

Ka Shithi U Paul Sha Ki Nong Rom 14:1

To pdiang sngewbha ïa u briew uba tlot ha ka jingngeit, hynrei wat ïania bad u shaphang ki jingpyrkhat bashimet jong u.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

1 KORINTH 11:16

Hynrei lada uno uno u kwah ban ïasaidnia shaphang kata, baroh kaba nga don ban ong ka long ba ma ngi lymne ki balang U Blei ngi don da kawei pat ka rukom ha ka jingmane.

1 KORINTH 11:18

Ha kaba nyngkong eh, la ïathuh ïa nga ba ha ki jingïaseng jong phi, ki don ki kynhun kiba ïa-pyrshah; bad kane nga ngeit ka don katto katne ka jingshisha.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

2 KORINTH 11:20

Phi ïaishah ïa uno uno uba hukum ïa phi lane uba shim kabu ïa phi lane uba riam pah lane uba peit poh ïa phi lane uba thab ïa phi ha ka ngab.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

GALATIA 5:26

Ngim dei ban sngewsarong lane kiba pynbitar iwei ïa iwei pat lane bishni iwei ïa iwei pat.

GALATIA 6:3

Lada uno uno u mut ba u long ei ei haba da shisha um long ei ei, u long tang u nongshukor ïa lade.

PHILIPPI 1:15

Da shisha katto katne ngut na ki, ki ïalap ïa U Khrist namar ka jingpihuiñ bad ka jingïakajia, hynrei kiwei pat na ka mon kaba khuid.

PHILIPPI 2:14

To leh ïa kiei kiei baroh khlem da khñium ne khlem ïania,

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

1 TIMOTHI 1:4

Ong ïa ki ban iehnoh ïa kito ki puriskam bad kito ki thup bajrong jong ka jinghiarpateng, kiba pynmih tang ïa ki jingïania; kim ïadei ei ei bad ka jingthmu U Blei, ïa kaba lah ban tip da ka jingngeit.

1 TIMOTHI 1:7

Ki kwah ban long ki nonghikai ïa ka hukum U Blei, hynrei kim sngewthuh ïa la ki jong ki ktien lane shaphang kiei kiei ïa kaba ki kren da ka jingsngewskhem kaba haduh katta katta.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

2 TIMOTHI 2:14

To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

2 TIMOTHI 2:23

Hynrei to kiar noh na ki jingïatainia ba-bieit bad ba khlem jingmut; me tip ba ki kut ha ka jingïakajia.

2 TIMOTHI 3:4

kin long kiba shetkylla, kiba leh thurmur, bad kiba hangamei; kin ieit ïa ka jingsngewbha ban ïa U Blei;

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

2 PETROS 2:12

Hynrei kine ki briew ki leh la ka leh, kum ki mradkhlaw ïa kiba la kha ïa ka ban shah kem bad shah pynïap; ki tur ïaleh da ki jingkrenbeiñ ïa kiei kiei kiba kim sngewthuh.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

JUDAH 1:10

Hynrei, kine ki briew, ki tur ïaleh da kaba krenbeiñ da kiei kiei kiba kim sngewthuh; bad kito kiei kiei kiba ki tip da ka bor tipthuh kum ki mradkhlaw, ki long kita hi kiei kiei kiba pynjot ïa ki.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.