1 TIMOTHI 6:20 - Khasi CL Bible (BSI)

²⁰ Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

KA BAIBL

²⁰ A Timothi, to sumar kyndong ïa kata kaba la aiti ha me, da kaba phai noh na kita ki ktien bieit bathala bad ki jingïaleh pyrshah jong kata ka jingtip ïa kaba la shu khot kumta;

1 TIMOTHI 6:20 ပူးပေါင်းရင်းမြစ်များ

KI KAM 16:1

U Paul u la nang leit sha Derbe bad Lystra, ha kaba uwei u Khristan uba kyrteng u Timothi u shong u sah. Ka kmie jong u, kaba long ruh ka Khristan, ka long ka Jiw, hynrei u kpa jong u, u long u Grik.

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 17:21

(Naba baroh ki traishnong jong ka Athens bad ki nongwei kiba shong basah hangta ki sngewtynnat ban pynlut ïa ka por jong ki baroh ha kaba ïathuh bad sngap ïa kaei kaei kaba thymmai tam.)

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

1 KORINTH 3:19

Naba ïa kaei kaba ka pyrthei ka pdiang ba ka long ka jingstad, ka long ka jingibieit ha khmat U Blei. Kumba ka Jingthoh Bakhuid ka ong, “U Blei u pynngat ïa kiba stad ha ki buit jong ki;”

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

2 THESSALONI 1:4

Dei kata keiñ balei ba ma ngi hi ngi sngewsarong shaphang jong phi ha ki balang jong U Blei. Ngi sngewsarong shaphang ka rukom kaba phi ïaineh ban shah bad ban ngeit lyngba baroh ki jingpynshitom beiñ bad ki jingshahshitom kiba phi ïohmad.

2 THESSALONI 2:15

Kumta te, ko parabangeit jong ngi, to ïeng skhem bad batskhem ha kito ki jingshisha kiba ngi la hikai ïa phi, ha ka jingïalap jong ngi bad ha ka shithi jong ngi.

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 1:4

Ong ïa ki ban iehnoh ïa kito ki puriskam bad kito ki thup bajrong jong ka jinghiarpateng, kiba pynmih tang ïa ki jingïania; kim ïadei ei ei bad ka jingthmu U Blei, ïa kaba lah ban tip da ka jingngeit.

1 TIMOTHI 1:6

Don ki briew kiba la phai dien noh na kine bad ki la jah lynti ha ki jingïatainia ba-bieit.

1 TIMOTHI 1:9

Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

1 TIMOTHI 4:7

Hynrei to kiar noh na ki khanatang bym don nongrim, ki bymmyntoi ban ïathuh. To men pynmlien ïa lade ïa ka jingim riewblei.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

2 TIMOTHI 2:16

To kiar noh na ki jingïakren ba-thala bad ba-bieit, tang ban ïalam ïa ki briew kham jngai na U Blei.

TITOS 1:14

bad ban nym pynshahshkor shuh ha ki khanatang jong ki Jiw bad ha ki hukum briew kiba wan na ki briew kiba la kyntait ïa ka jingshisha.

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.