1 TIMOTHI 6:2 - Khasi CL Bible (BSI)

² Ki mraw kiba long ki jong ki kynrad kiba ngeit kim dei ban ñiewbeiñ ïa ki, naba ki long ki parabangeit jong ki. Pynban, ki dei ban shakri ïa ki kham bha shuh shuh, namar kito kiba ïoh myntoi na ka jingtrei jong ki, ki long ki parabangeit ïa kiba ki ieit. Me dei ban hikai bad ïalap ïa kine kiei kiei.

KA BAIBL

² Kita ruh kiba don ki kynrad kiba ngeit, to wat ai ba kin ibeiñ ïa ki, naba ki long ki parabangeit; hynrei, to kin kham shakri ïa ki, naba kita kiba ïaïoh bynta na kata ka jinglehbha, ki long ki bangeit bad kiba la ieit. Ïa kine kiei kiei ruh, to men hikai bad men kyntu.

1 TIMOTHI 6:2 ပူးပေါင်းရင်းမြစ်များ

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

MATHAÏOS 23:8

Ïa phi ym dei ban khot ‘ko Nonghikai,’ namar ba phi baroh phi ïalong mar ryngkat bad don tang uwei U Nonghikai.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 1:1

Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

EPHESOS 1:15

Na kane ka daw, naduh ba nga la ïohsngew ïa ka jingngeit jong phi ha U Trai Jisu bad ka jingieit jong phi ïa ki briew jong U Blei baroh,

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

KOLOSSAI 1:2

Ha ki briew jong U Blei ha Kolossai kiba long ki parabangeit baïaineh ha U Khrist: Ai ba U Blei uba U Kpa jong ngi un ai ha phi ka jingaiei bad ka jingsuk.

KOLOSSAI 1:4

Naba ngi la ïohsngew ïa ka jingngeit jong phi ha U Khrist Jisu bad ïa ka jingieit jong phi ïa ki briew baroh ki jong U Blei.

KOLOSSAI 4:1

Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 TIMOTHI 4:11

To ai ha ki ïa kine ki jingbthah bad ïa kine ki jinghikai.

1 TIMOTHI 5:1

To wat sneng ïa uba la kham rangbah, hynrei to kyrpad ha u kum la u kpa. To ñiew ïa kiba kham samla kum la ki para, ïa ki kynthei kiba la kham ïaw kum ki kmie, bad ïa ki kynthei kiba kham samla kum ki para, da ka jingsngur mynsiem baroh.

TITOS 2:1

Hynrei me dei ban hikai ïa kaei kaba ïahap bad ka jinghikai shongtynrai kaba skhem.

TITOS 2:15

Hikai ïa kine kiei kiei bad pyndonkam pura ïa la ka iktiar haba me ai mynsiem bad haba sneng ïa ki nongsngap jong me. Wat ai ïano ïano na ki ban ibeiñ ïa me.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

2 PETROS 2:10

Kine ki nonghikai balamler ki long kiba shlur bad kiba kyr-eit, bad kim pyn-i jingñiewburom ïa ki jingthaw ba kynja bneng; pynban ki krenbeiñ ïa ki.

JUDAH 1:8

Ha kajuh ka rukom ruh, kine ki briew ki ïoh ïa ki jingïohipaw kiba pynlong ïa ki ban leh pop pyrshah ïa la ki jong ki met; ki ñiewbeiñ ïa ka jingsynshar jong U Blei bad ki ïakren beiñ ïa ki jingthaw badonburom ha bneng.