1 TIMOTHI 6:18 - Khasi CL Bible (BSI)

¹⁸ To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

KA BAIBL

¹⁸ ba kin leh bha, ba kin man kyrhai ha ki jingleh babha, ba kin long kiba la kloi ban ai, kiba la kloi ban ïasngewlem;

1 TIMOTHI 6:18 ပူးပေါင်းရင်းမြစ်များ

2 KHRONIKL 24:16

Ki la tep ïa u ha ka jingtep ki syiem ha ka Nongbah jong u Dabid kum ka dak ka jingñiewkor ïa ka jingshakri kaba u la leh na ka bynta ki paid Israel, na ka bynta U Blei bad na ka bynta ka Templ.

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

EKLESIASTIS 3:12

Kumta nga la sngewthuh ba baroh kaba ngi lah ban leh ka long ban kmen bad leh ïa kaba bha tam kaba ngi lah katba ngi dang im.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 5:42

Haba uno uno u pan ei ei na phi, to ai ïa kata ha u; haba uno uno u kwah ban pan kylliang ei ei na phi, to ai kylliang ïa u.

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

LOUKAS 3:11

U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 11:29

Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

Ka Shithi U Paul Sha Ki Nong Rom 12:8

lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

1 KORINTH 16:2

Man la ka Sngi U Trai, uwei pa uwei na phi u dei ban buh kyrpang katto katne ka pisa, kat kum ka jingïoh, bad pynlang ïa ka, khnang ba yn ym da donkam ban lum ïa ka pisa ynda nga poi.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 3:11

U dei ban phai noh na kaba sniew bad ban leh ïa kaba bha; u dei ban ïaleh shitom na ka bynta ka jingsuk da ka dohnud jong u baroh.

1 ÏOANNIS 3:17

Lada u briew uba riewspah u ïohi ïa la u parabriew ha ka jingkyrduh, pynban, u khang khyrdep ïa la ka dohnud pyrshah ïa la u parabriew, kumno u lah ban kam ba u ieit ïa U Blei?

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.