1 TIMOTHI 6:1 - Khasi CL Bible (BSI)

¹ Kito kiba long ki mraw ki dei ban ñiew ba ki kynrad jong ki, ki long kiba dei hok ban ïoh ïa ka burom baroh, khnang ba yn ym don mano mano ki ban kren sniew ïa ka kyrteng U Blei bad ïa ka jinghikai jong ngi.

KA BAIBL

¹ Kat kiba long ki shakri hapoh ka lyngkor, to ai ba kin ñiew ïa kita ki kynrad la ki jong hi kiba dei ban ïoh ka burom baroh, ba yn ym krenbeiñ ïa ka kyrteng ka jong U Blei bad ïa kata ka jinghikai.

1 TIMOTHI 6:1 ပူးပေါင်းရင်းမြစ်များ

JENESIS 16:9

U ong ha ka, “Khie leit phai pat sha la ka kynrad, bad long ka mraw jong ka.”

JENESIS 24:12

U la duwai, “A Trai, U Blei jong u kynrad jong nga u Abraham, to ai ka jingjop ïa nga mynta ka sngi bad to bat ïa la ka kular ïa u kynrad jong nga.

JENESIS 24:2

U ong ha u shakri jong u, uba la rangbah bha, uba peit halor baroh kiba u don, “Buh ïa la ka kti hapdeng ki lbong jong nga bad pynlong ka jingsmai.

JENESIS 24:27

U ong, “Ïaroh ïa U Trai, U Blei jong u kynrad jong nga u Abraham, uba la batskhem ïa la ka kular ha u kynrad jong nga. U Trai hi u la ïalam beit ïa nga sha ki kur ki jait u kynrad jong nga.”

2 SAMUEL 12:14

Hynrei namar ba phi la pyn-i ïa kum kane ka jingñiewbeiñ ïa U Trai ha kaba leh ïa kane, u khun jong phi un ïap.”

2 SYIEM 5:13

Ki shakri jong u ki leit sha u, bad ki ong, “Ko kynrad, lada u nongïathuhlypa u la phah ïa phi ban leh ïa kaei kaei kaba jwat, phin jin da la leh ïa ka. Mynta balei phim shu sait ïa lade, kumba u ong bad ban ïohkhiah?”

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

ISAÏAH 52:5

Bad mynta ha Babilonia kajuh hi ka la jia; phi long kiba shahtehmraw, bad ym shym siewdor ei ei na ka bynta jong phi. Kito kiba synshar halor jong phi ki kop bad ki meng bad ki ïai pynpaw jingbeiñ ïa nga.

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

ESEKIEL 36:20

Kat shaba ki leit, ki pynlehrain ïa ka kyrteng bakhuid jong nga, namar ba ki briew ki ïoh kynnoh, ‘Kine ki long ki briew jong U Trai, pynban ki hap ban mihnoh na ka ri jong u.’

ESEKIEL 36:23

Ynda haba ngan pynpaw ha ki jaitbynriew ïa ka jingkhuid ka kyrteng bakhraw jong nga — ka kyrteng ïa kaba phi la pynjahburom hapdeng jong ki — te kin sa tip ba nga long U Trai. Ma nga, U Trai Nongsynshar, nga la kren. Ngan pyndonkam ïa phi ban pyn-i ha ki jaitbynriew ba nga long uba khuid.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MATHAÏOS 11:30

Naba ka lyngkor kaba ngan ai ha phi ka long kaba jem, bad ka jingkit ba ngan buh halor jong phi ka long kaba sting.”

MATHAÏOS 11:9

Ïathuh ïa nga, ïa kaei phi ïaleit ban peit? Ïa u nongïathuhlypa? Ho-oid da shisha, hynrei phi la ïohi ïa uba kham palat ban ïa u nongïathuhlypa.

LOUKAS 17:1

U Jisu u la ong ha la ki synran, “Kiei kiei kiba pynlong ïa ki briew ban hap ha ka pop ki dei ban jia, hynrei katno ka long kaba shyrkhei ïa uta uba pynlong ïa ki ban jia!

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 10:7

Te u angel u la leit noh, bad u Kornelios u la khot ar ngut na ki shakri ïing jong u bad uwei u shipai uba riewblei uba long uwei na kiba shakri ïa u.

KI KAM 15:10

Kumta te, balei mynta phi kwah ban tynjuh ïa U Blei da kaba buh ka jingkit halor ki met jong ki parabangeit ïa kaba ym don ki kpa tymmen jong ngi lymne ma ngi hi kiba lah ban kit?

Ka Shithi U Paul Sha Ki Nong Rom 2:24

Ka Jingthoh Bakhuid ka ong, “Na ka daw jong phi ki Jiw, ki Jentil ki kren sniew ïa U Blei.”

1 KORINTH 10:32

To im ha kata ka rukom ban ym thaw jingeh ïa ki Jiw ne ïa ki Jentil ne ïa ka balang U Blei.

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

DEUTERONOMI 28:48

Kumta keiñ, phin hap ban shakri ïa ki nongshun ba U Trai un phah pyrshah ïa phi. Phin thngan, phin sliang, bad phin lyngkhuit — phin da kyrduh shisha khait. U Trai un pynshitom jur ïa phi haduh ba phin da jot thiaw.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

TITOS 2:5

ban long kiba synshar ïa lade bad kiba sngur mynsiem, bad ki nongsumar ïing babha kiba pyndem ha la ki tnga, ba yn ym don mano mano ba lah ban kren sniew ïa ka khubor kaba wan na U Blei.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.