1 TIMOTHI 5:8 - Khasi CL Bible (BSI)

⁸ Hynrei lada uno uno um sumar ïa la ki ba-ha-ïing ha-sem, khamtam ïa ki dkhot ka longïing jong u hi, u la len ïa ka jingngeit bad u kham sniew ban ïa u bymngeit.

KA BAIBL

⁸ Hynrei, lada uno uno ruh um sumar sukher ïa la ki jong hi, bad kham tam ïa kiba dei ha la ïing, u la len ïa ka jingngeit, bad u long kham sniew ban ïa u bymngeit.

1 TIMOTHI 5:8 ပူးပေါင်းရင်းမြစ်များ

JENESIS 30:30

Kaba khyndiat kaba phi don shuwa ba ngan wan ka la roi kyrhai, bad U Trai u la kyrkhu ïa phi kat shaba nga leit. Mynta ka la dei ka por ïa nga ban peit sa na bynta ïa lade.”

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 18:17

Bad lada um shahshkor ïa ki, te to ïathuh ïa kaei kaei baroh ha ka balang. Khatduh, lada um shahshkor ïa ka balang, to ñiew ïa u kumba u long u nongmane blei thala lane u nonglum khajna.

MATHAÏOS 7:11

Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

ÏOANNIS 15:22

Kin ym da la sngewrem ïa la ka pop lada ngam shym la wan bad ngam shym la kren ha ki; kumba ka long, kim don nia ei ei shuh na ka bynta la ka pop.

1 KORINTH 6:6

Pynban, uwei u parabangeit u leit sha ka ïingbishar pyrshah ïa uwei pat bad u ailad ïa u bymngeit ban bishar ïa ka kam!

2 KORINTH 12:14

Kane mynta ka long ka sien kaba lai ba nga la khreh ban wan jngoh ïa phi — bad ngan ym pynlong kino kino ki jingdawa na phi. Dei ïa phi ba nga kwah, ym ïa ka pisa jong phi. La kumno kumno, ki khun kim da dei ban pynbiang na ka bynta la ki kmie ki kpa, hynrei ki kmie ki kpa keiñ ki dei ban pynbiang na ka bynta la ki khun.

2 KORINTH 6:15

Kumno U Khrist bad u Ksuid kin ïahap jingmut? Kumno uba ngeit u don bynta bad u bymngeit?

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.