1 TIMOTHI 5:6 - Khasi CL Bible (BSI)

⁶ Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

KA BAIBL

⁶ Hynrei, kata kaba im pahuh ka la ïap naduh ba dang im.

1 TIMOTHI 5:6 ပူးပေါင်းရင်းမြစ်များ

JENESIS 2:17

lait noh u dieng uba ai jingtip ïa kaba bha bad ïa kaba sniew. Mem bit ban bam ïa u soh jong uta u dieng, lada me bam, men ïap ha kata hi ka sngi.”

PROBERB 29:21

Lada phi ai ïa la u shakri ïa baroh kat kaba u kwah naduh ba u dang khynnah ter ter, ha kawei ka sngi un sa shimti ïa baroh kaba phi don.

ISAÏAH 22:13

Pynban, phi ïa-rkhie bad phi ïalehkmen. Phi pynïap ïa ki langbrot bad ki masi ban bam, bad phi dih waiñ. Phi ong, “Ngi lah ruh ban ïabam bad ïadih! Lashai ngin ïap.”

ISAÏAH 47:1

U Trai u ong, “Ko Babilon, to hiar noh na ka khet jong pha, bad shong ha u pui pui halor ka khyndew. Shisien pha la long kum kaba sotti, ka nongbah bym pat shahjop, hynrei pham long shuh kaba jem bad ba long jai jai! Mynta pha long ka mraw!

JEREMAÏAH 6:2

Ka nongbah Seïon ka long kaba itynnat, hynrei ïa ka yn sa pynjot;

SNGEWSYNEI 4:5

Ki briew kiba shisien ki la bam ïa ki jingbam kiba kynsai tam ki ïapthngan ha ki lynti bah; kito kiba la heh la san ha ka pahuh pahai ki kraid lyngba ka jakhlia na ka bynta ka jingbam.

MATHAÏOS 8:22

“Bud ïa nga,” U Jisu u la jubab, “bad ai kiba ïap kin tep ïa kiba ïap jong ki.”

LOUKAS 12:19

Nangta ngan ong ha lade, A u briew badonbok! Me la don kiei kiei kiba bha baroh kiba me donkam na ka bynta bun snem. Wat khuslai ïa la ka jingim, to bam, to dih, bad to lehkmen ïa lade!’

LOUKAS 15:13

Hadien khyndiat sngi, u khun ba kham rit u la die ïa ka bynta jong ka jingdon jingem jong u bad u la mihnoh na ïing lem bad ka pisa. U la leit sha ka ri kaba jngai, ha kaba u la pynsyrwa ei ïa ka pisa jong u ha ka jingim ba-thurmur.

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 16:19

“La don shisien uwei u briew uba riewspah uba la riam ha ki jaiñ kiba remdor eh bad uba im ha ka jingpahuh bakhraw man la ka sngi.

LOUKAS 7:25

Ïa kaei phi la leit ban peit? Hato ïa u briew uba phong ki jaiñ kiba itynnat? Ïa ki briew kiba riam kumta bad kiba shong ha ka jingdap kyrhai la shem ha ki ïingsyiem!

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

DEUTERONOMI 28:54

Wat u briew uba jem tam ka dohnud uba wan na ka ïing kaba donburom, un poi ha ka kutlad ha ka por ba u shah kerkut, kat ban da bam ïa la ki khun namar ba um don kawei pat ka jait jingbam. Un ym ai ei ei wat ïa la u para ne ka tnga kaba u ieit ne ïa la ki khun kiba dang don bad u.

DEUTERONOMI 28:56

Wat ka kynthei kaba jem tam ka dohnud kaba wan na ka ïing kaba donburom, kaba riewspah katta katta katba kam donkam ban ïaid shano shano, kan leh kumjuh. Ynda u nongshun u kerkut ïa ka shnong jong ka, kan sa kyrduh jingbam kat ban da bam buhrieh wat ïa la i khun ba ka dang shu kha bad ïa iba la kha ruh. Kan ym ai ei ei ïa la u tnga uba ka ieit lane ïa la ki khun.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

2 TIMOTHI 3:6

Katto katne na ki leit rung sha ki ïingbriew bad pynshohbieit ïa ki kynthei kiba tlot ba la bankhia da ka jingpynrem jong ki pop jong ki bad kiba la shah ringmraw ha ki jingkwah ba har rukom, ki kynthei kiba pyrshang borabor ban shah hikai hynrei ki bym lah ban tip da lei lei ïa ka jingshisha.

JAKOB 5:5

Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

1 SAMUEL 15:32

“Wallam ïa u syiem Agag hangne ha nga,” u Samuel u hukum. U Agag u la wan sha u da kaba khynñiuh da ka jingtieng, u da pyrkhat ha lade, “Katno ka long kaba kthang ban ïap.”

1 SAMUEL 25:6

U la bthah ïa ki ban ong ha u Nabal: “U Dabid u phah ka jingkhublei ïa phi, ko paralok jong nga, lem bad ki jingkyrkhu kyrdoh ïa phi, ïa ka longïing jong phi bad ïa baroh kiba dei ki jong phi.