1 TIMOTHI 5:5 - Khasi CL Bible (BSI)

⁵ Ka riewkynthei kaba long tang marwei, ka bym don mano mano ban sumar ïa ka, ka la buh ïa la ka jingkyrmen ha U Blei bad ka ïai duwai bad pan na u ïa ka jingïarap mynmiet bad mynsngi.

KA BAIBL

⁵ Te kata kaba long da shisha ka riewkynthei bad ba marwei, ka kyrmen ha U Blei, bad ka ïaineh ha ki jingkyrpad bad ki jingduwai mynmiet bad mynsngi.

1 TIMOTHI 5:5 ပူးပေါင်းရင်းမြစ်များ

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 3:26

Ki khyrdop ka nongbah kin ïambriew bad kin kyang, bad ka nongbah hi kan long kum ka kynthei kaba shong ha madan kaba la shah sloit lyngkhuit.

ISAÏAH 49:21

Te phan ong ha lade, ‘Mano ba la kha ïa kine ki khun baroh na ka bynta jong nga? Nga la duh noh ïa la ki khun bad ngam lah ban ïoh khun shuh. Nga la shah ïalam mraw bad la shah beh noh — mano ba la pynheh pynsan ïa kine ki khun? Nga la shah iehnoh marwei — nangno kine ki khun ki la wan?’ ”

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 54:1

Ko Jerusalem, pha la long kum ka briew ka bym don khun, hynrei mynta pha lah ban rwai bad risa da ka jingkmen. Mynta phan sa ïoh kham bun ki khun ban ïa ka briew kaba u tnga jong ka um ju iehnoh ïa ka!

SNGEWSYNEI 1:13

“U la phah ïa ka ding nalor, ka ding kaba thang hapoh jong nga. U la buh ka jingriam na ka bynta jong nga bad u la wanrah ïa nga sha khyndew. Nangta u la iehnoh ïa nga bad ieh ïa nga ha ka jingpang baneh.

LOUKAS 18:1

Nangta U Jisu u la ïathuh ha la ki synran ïa ka pharshi ban hikai ïa ki ba ki dei ban duwai borabor ban ym noh mynsiem da lei lei ruh.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

KI KAM 26:7

ïa kata hi kaba ki khat-ar jait jong ki briew jong ngi ki kyrmen ban ïohpdiang, haba ki mane ïa U Blei mynsngi bad mynmiet. Bad ka dei namar jong kane ka jingkyrmen, ko Syiem Kynrad, ba nga la shah mudui da ki Jiw!

KI KAM 6:1

Hadien katto katne por, katba ka jingdon ki synran ka nang ïai kiew, la don ka jingïania hapdeng ki Jiw kiba kren Grik bad ki Jiw kiba kren ktien tynrai. Ki Jiw kiba kren Grik ki la kam ba ïa ki riewkynthei la leh klet ha ka jingsam pisa kaba man ka sngi.

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

KI KAM 9:41

U Petros u la kner ïa la ki kti, bad u la ïarap pynkhie ïa ka. Nangta u la khot ïa ki parabangeit baroh, kynthup ïa ki riewkynthei, u la aiti ïa ka ha ki, ka briew kaba la im pat.

Ka Shithi U Paul Sha Ki Nong Rom 1:12

Kaei kaba nga mut ka long ba ma phi bad ma nga ngin ïoh ka jingïarap ha kajuh ka por, ma phi da ka jingngeit jong nga bad ma nga da ka jong phi.

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

1 KORINTH 7:32

Nga da kwah eh ba phin long kiba lait na ka jingkhuslai. U briew u bym shym shongkurim u pyrkhat ïa lade ha ka kam U Trai, namar u wad ban pynsngewbha ïa U Trai.

1 KORINTH 7:34

Ka briew ka bym pat shongkurim lane ka theisotti ka im sngi shaphang ïa lade ha ka kam U Trai, namar ka kwah ban ïoh pynkyntang ha ka met bad ha ka mynsiem ruh; hynrei ka briew kaba la shongkurim ka pyrkhat shaphang ïa lade ha kiei kiei kiba kynja pyrthei, namar ka kwah ban pynsngewbha ïa la u tnga.

EPHESOS 6:18

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

1 TIMOTHI 2:1

Nyngkong eh, namarkata, nga kyntu ba ki jingïasaid, ki jingduwai, ki jingkyrpad bad ki jingainguh ban ai sha U Blei na ka bynta ki briew baroh; na ka bynta ki syiem bad baroh kiba don ha ka bor synshar, ba ngi lah ban im ka jingim kaba jar jar bad kaba suk ha ka jingtiengburom baroh sha U Blei bad da ka jinglong jingim kaba dei.

1 TIMOTHI 5:16

Hynrei lada kano kano ka parabangeit ka don ki riewkynthei ha ka longïing jong ka, ka dei ban sumar ïa ki bad ban ym bankhia ïa ka balang, khnang ba ka lah ban sumar ïa ki riewkynthei kiba long marwei.

1 TIMOTHI 5:3

To burom ïa ki riewkynthei kiba long tang marwei da shisha.

2 TIMOTHI 1:3

Nga ainguh ïa U Blei, ïa uba nga shakri da ka jingïatiplem bakhuid, kumba ki kpa tymmen jong nga ki la leh. Nga ainguh ïa u haba nga kynmaw ïa me borabor ha ki jingduwai jong nga mynmiet bad mynsngi.

1 PETROS 3:5

Naba ki kynthei bariewblei ha ki por ba la leit noh ki la buh ïa la ka jingkyrmen ha U Blei, ki ju pynbhabriew ïa lade da kaba pynkohnguh ha la ki tnga.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”