1 TIMOTHI 5:25 - Khasi CL Bible (BSI)

²⁵ Ha kajuh ka rukom ki kam babha ki paw shai kdar, bad wat ïa kito ki bym da paw shai ym lah ban buhrieh.

KA BAIBL

²⁵ Kumjuh ruh, don ki jingleh babha kiba paw lypa; bad ïa kita kiba long da kumwei, ym lah ban buhrieh.

1 TIMOTHI 5:25 ပူးပေါင်းရင်းမြစ်များ

PROBERB 10:9

Ki briew kiba ïaid hok ki shongshngain bad sngewskhem, hynrei uta u bym lehhok un shah kem.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

LOUKAS 11:33

“Ym don uba thang ïa ka sharak bad nangta u buhrieh ïa ka lane buh ïa ka hapoh ka shang; pynban, u buh ïa ka halor u diengpynïeng sharak, khnang ba ki briew ki lah ban ïohi ïa ka jingshai katba ki wan rung shapoh.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 22:12

“Ha kata ka nongbah la don u briew uba kyrteng u Ananias, u briew uba riewblei uba la kohnguh ïa ka Hukum jong ngi bad ïa uba la ñiewburom shikatdei eh da ki Jiw baroh kiba shong basah hangta.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

1 TIMOTHI 3:7

U dei ban long u briew ïa uba la ñiewburom da ki briew kiba shabar ka balang, khnang ba un ym jahburom bad hap ha ka jingriam u Ksuid.

JINGPYNPAW 14:13

Nangta nga la ïohsngew ïa ka sur na bneng kaba ong, “To thoh ïa kane: Suk kito kiba naduh mynta ki ïap ha kaba shakri ïa U Trai!” “Ho-oid shisha!” U Mynsiem u jubab. “Kin ïoh shongthait na ki jingtrei shitom jong ki, namar ki soh ka jingshakri jong ki, ki leit lem bad ki.”